أسوأ خدمة عملاء.. شكاوى مواطنون من صيدليات العزبى بعد تجاربهم الشخصية مع الفروع
استعرض عدد كبير من رواد مواقع التواصل الاجتماعى تجربتهم مع صيدليات العزبى ، محذرين غيرهم من التعامل معهم بسبب سوء خدمة العملاء.
وقال محمد عبد الغنى ، صاحب المشكلة الرئيسية مع صيدليات العزبى، " مش قادر اتخيل ان ممكن تطلب دواء الساعة ١١:٣٠ الصبح يوصلك الساعة ٥:٣٠ و بعد مهاتارات و اتصال بالكول سنتر و عمل شكاوي مش اقل من ٦ او سبع مرات غير المستوي المتدني من خدمة العملاء من الفرع الي بيكلمك يزعقلك يقولك اعملك ايه بجيب من الفرع الي جمبي الي علي بعد ٥ دقايق منه ".
وتابع "و كمان عامل الدليڤري يقفل السكة في وشك و يرجع الدواء الفرع علشان بقوله لوسمحت الطلب متاخر اكتر من ٣ ساعات يعند و يرجعه الصيدلية و يقولهم العميل مش عايز و تطلب تكلم حد مسؤل في الشكاوي يقولك يتصلك بيك بعد ١٠ دقايق و لا حياة لمن تنادي الحمدلله اني كنت بطلب دواء مش لحالة مستعجلة كان الله أعلم الواحد حصله أيه صيدلية العزبي أسوء خدمة عملاء".
لتنهال التعليقات على صاحب الشكوى ، مؤكدين سوء خدمة العملاء فى الصيدلية ومستعرضين تجاربهم الشخصية، حيث قال أحد المتفاعلين،" العزبي اسوأ صيدلية في مصر وقايمة على بيزنس التأمينات والكوزماتكس واساسيات الأدوية مش موجود عندهم ف انت لو برة التأمين مفيش اي داعي تتعامل معاهم"
