بتجمع تبرعات علي الفاضي.. سيدة تستغيث بسبب مستشفى بهية : الواحد يموت بكرامته

استغاثت سيدة بعد فشل محاولات دخولها للعلاج فى مستشفى بهية لعلاج سرطان الثدى، مستعرضه تجربتها.

وقالت صاحبة المشكلة عبر  السوشيال ميديا، " السلام عليكم ورحمه الله وبركاته انا حابة احكي مشكلتي ويا ريت لو فيه حل  دلوقتي انا عندي 30 سنة وعندي ثلاث بنات وجالي ورم وعملت إشاعة والدكتور قالي عندك ورم وبلغني اروح مؤسسة بهية لان عندهم العلاج فروحت وانا ربنا يعلم بظروفي وزوجي عامل باليومية وعندي ثلاث بنات  ولما روحت المؤسسة أدوني رقم اتصل عليهم علشان احجز وانا من قرية مطرفة في العياط فرجعت وكلمتهم قلولي الحجز من الساعة 9 الي الساعة 5 العصر ولازم رصيد لأن بتصل برقم الخط الساخن 16602 ".

وتابعت صاحبة المشكلة مع مستشفى بهية ،" وشحنت علي مدار اربع ايام أكثر من 200ج وبتصل الساعة 9 صباحا بالظبط بفضل علي التليفون لغيت ما حد يرد عليا بقعد بتاع ربع ساعة ومرة عشر دقايق وترد عليا حد من عندهم يقولولي الحجز خلص اتصلي بكرة لغيت ما رصيدي خلص علي مدار 9 ايام لدرجة جيبت اراقام بتاعت اخواتي لاني رصيد خلص واتصلت من عندهم وبردو نفس الكلام ولما يردو عليا اقولهم ازاي متصلة الساعة 9 وبعدها 7 دقايق تقولولي مفيش والحجز خلص وربنا يعلم انا تعبانة جدا ومكنتش حابة انزل علي الجروب لاني قولت خلاص الواحد يموت بكرامتو لأن مؤسسة بهية دي بتجمع تبرعات علي الفاضي ومفيش حلول للناس الغلابة وحسبي الله ونعم الوكيل في كل مؤسسة بتجمع فلوس بس من غير تعالج وتحل مشاكل الناس".