محمد رمضان يعتذر للشاب بعد صفعه:" بعتذر لأسرته وللجمهور.. واللي عملته مش رجولة" (فيديو)
حرص الفنان محمد رمضان، على الاعتذار للشاب الذي صفعه في مراسي، مؤكدًا أنه لم يتمالك أعصابه حين أخطأ الشاب في اسمه، خاصةً أن الشاب كرر فِعلته مرتين.
أول تعليق لمحمد رمضان على أزمة الشاب المصفوع
ونشر رمضان فيديو عبر حسابه الرسمي بـ"انستجرام"، وقال فيه: “جمهوري العدل العزيز والأصيل والغالي، ألف شكر وربنا ميحرمنيش منكم، أنا قرأت وسمعت قد إيه دافعتم عني وغلطتم الولد الصغير”.
وتابع رمضان: "أنا عامل الفيديو دا عشان اعتذر، لأهل الولد الصغير إن إيدي اتمدت عليه وأنا عارف إن هو عيل صغير، ولما غلط أول مرة وشيلتله الكاب من على رأسه، ولاقيته عيل صغير وقولتله أسمك إيه يا حبيبي".
وأضاف رمضان عن اللحظة التي صفع فيها الشاب: "لما غلط تاني متمالكتش نفسي، وضربته قلم صغير خلى الكاب يطير من على رأسه والتليفون خدته ومسحتله الفيديو، ولو هانعتبر الناموسة وقفت على خدي قلم أنا أستاهل من الناموسة خمسة، لأن أنا مدت إيدي على عيل صغير".
واستكمل رمضان: “ودي لا بطولة ولا رجولة، وحد قالي أكسرله التليفون لكن قولتله لأ هو غلط أهله ذنبهم إيه يغرموا تليفون تاني، ودي الغلطة اللي أنا طالع اعتذر عنها”.
وأردف رمضان: "أنا عرفت إن هو من قرية تانية اسمها اللوتس وجاي يتفسح في مراسي، والأمن كانوا هايعملوله محضر لأنه من قرية تانية لكن أنا قولتلهم يروحوه".
وعلق رمضان على الفيديو الذي نشره قائلًا: “الاعتراف بالخطأ من شيم الكبار”، ودعم الجمهور محمد رمضان بعد الفيديو الذي نشره.
