كانوا أجدع وأجمل الناس.. تفاصيل اللحظات الأخيرة فى حياة المنتجين حسام شوقي ومحمود كمال وفتحي إسماعيل
كشف المخرج مرقس عادل تفاصيل اللحظات الأخيرة فى حياة حسام شوقي، المشرف العام للإنتاج بشركة سينرجي، والمنتجين الفنيين بالشركة محمود كمال وفتحي إسماعيل، بعد رحيلهم إثر تعرضهم لحادث مروري أليم على طريق الضبعة.
وقال مرقس عادل،: يا وجع القلب .. أنا مصدوم ومش فاهم ومش عارف استوعب، امبارح بليل لسه مكلمني فتحي إسماعيل في التليفون وبنهزر ولسه بيحلم ومن كام يوم قاعدين بنتكلم عن بكره والمستقبل ولسة بتكلم مع أستاذ حسام وبندردش في بكره واللي جاي و مش عارف أنسى كلمة متقلقش يا دكتور ولا كلمة واحشني يا دكتور ومتتعبنيش معاك هتعملي فيها مش عارف ايه".
وتابع: محمود كمال الطيب المحترم اللي دايما كان بيسأل عليا بكل ود وحب واحترام
حقيقي مصدوم هتوحشوني اوي أشهد قدام الله كنتم أجمل وأجدع وأرجل الناس".
وكان مصدر، قد كشف إن حسام شوقى ومحمود كمال وفتحي إسماعيل كانوا يستقلون سيارة على طريق الضبعة وتعرضوا لحادث أليم نتج عنه وفاتهم جميعا.
