بعد محمد صلاح.. رامى عادل إمام يدعم جنا هانى بطلة الجمباز فى أولمبياد باريس

دعم المخرج رامى عادل إمام ، البطلة المصرية للجمباز فى أولمبياد باريس 2024 ، جنا هانى بعد أدائها المبهر.

وقال رامى عادل إمام عبر صفحته الشخصية على موقع التواصل الاجتماعى " انستجرام": بالصدفة اتفرجت علي الفيديو ده و لقيت البنت دي في الأوليمبياد الحالية .. اسمها "جنا محمود " .. و بعتذر إذا كنت مسمعتش عنها قبل كدة او عن اي لاعبة من زميلاتها ، بالرغم اني بتابع الجمباز، بالذات في الأوليمبياد، من ساعة أوليمبياد لوس انجلوس ٨٤ ، و ده يمكن لاني كنت متخيل ان معندناش جمباز في مصر يقدر ينافس المستويات العالمية ، و بالذات بعد اللي احنا بنشوفه في أوليمبياد باريس ٢٠٢٤. 

وتابع: لكن الفيديو ده ابهرني بمعني الكلمة .. مصدقتش نهائي ان في بنات في مصر بالمستوي ده و بالإبهار ده و القوة دي و الشخصية دي و التوازن بالشكل ده .. أنا كل مرة و الله بقيت أبص علي علم مصر علي اسم "جنا" علشان اتأكد أنها مش اجنبية.. انا طيعاً مش خبير رياضي علشان اقدر و أقيم مستوي "جنا" ، لكن حاسس ان اللي شوفته ده بالتكنيك ده و المستوي ده ، والضحكة الهادية الحلوة دي .. جديد عليا..، أنا طبعاً مدرك ان ممكن تكون لعبات كتيرة في مصر تطورت بشكل كبير في السنوات اللي فاتت و عارف ان مصر فيها آلاف مؤلفة زي "جنا" و زميلاتها و زملائها و في لعبات كتير فردية ، لكن محتاجين دعم كبييييير .. سواء مادي او معنوي.. او حتي إعلامي .. قد ايه الواحد بيتلكك علي اكتر من حد يشرف مصر في المحافل الرياضية الدولية .. قد ايه الواحد يتمني يشوف النشيد الوطني المصري بيترفع و بيتعزف اكتر من مرة .. و قد ايه كمان اتمني اني ما اكونش ببالغ في إحساسي . كل الدعم ليكي يا "جنا" .. و لزميلاتك ".

وردت جنا هاني إسماعيل لاعبة منتخب مصر للجمباز ونادي الصيد على تعليق الدولي المصري محمد صلاح جناح الفريق الأول لكرة القدم بنادي ليفربول، بعد دعمه لها خلال مشاركتها في دورة الألعاب الأولمبية باريس 2024.

وقالت جنا هاني في ردها على تعليق صلاح عبر حسابها الرسمي على موقع تبادل الصور والفيديوهات "إنستجرام": "أشكرك يا مو أنت السبب الرئيسي الذي يجعلني أسعى لتحقيق أحلامي كل يوم، فمشاهدتك تلعب حافزاً لي على الاستمرار، فالناس دائمًا يقولون إننا متشابهان، وهذا أمر رائع، أستمر في التألق!!".