وسط مناشدات بسرعة ضبطه.. سائق تاكسي يعتدي على مواطنة ببورسعيد بسبب الأجرة
تداول مستخدموا مواقع التواصل الاجتماعي فيس بوك، صورا ضوئية تُظهر اعتداء سائق التاكسي، على سيدة، وسط محاولات أحد الأهالي للدفاع عنها، وذلك بصورة واسعة أثارت غضب المواطنين، ومناشدات بسرعة ضبطه واتخاذ الإجراءات القانونية ضده.
وسط مناشدات بسرعة ضبطه.. سائق تاكسي يعتدي على مواطنة ببورسعيد بسبب الأجرة
قالت المواطنة التي تعرضت للاعتداء: ركبت من مساكن اللاسلكي عشان اروح مدرسة القناة الإعدادية بنين أقدم لابني وكانت الساعة واحدة وكنت مستعجلة، وصلت عند صيدلية يعني خطوة مكملش دقيقة، وقالي أنا هدخل أحط غاز قولتله بس أنا مستعجلة عايزة ألحق المدرسة قالي العربية هتشطب مني قولتله خلاص هنزل منعني من النزول وقالي حاسبيني
وأضافت السيدة: السواق مكنش عايز ينزلني قولتله أحاسبك على أيه أنا لسه راكبة أنت ليه مقولتليش قبل ما أركب أنك عايز تحط غاز مكنتش ركبت، وفتحت باب العربية ونزلت بسرعة راح نازل ورايا وفضل يشتم شتايم قذرة بالأم والأب، وجاي عايز يضربني لما صورت العربية والناس فضلت تحوش فيه وتمشيه.
واجمع أهالي محافظة بورسعيد علي ثقتهم في استجابة رجال الداخلية، وقيامهم بالتصدي لمثل هذه الأفعال، حفاظا علي سلامة المواطنين.
