أول تعليق لزوجة عصام صاصا "ليه بيحصل فيه كده" (فيديو)
عصام صاصا.. حرصت جهاد ، زوجة المطرب عصام صاصا، حيث علقت على فيديو نزوله لمصر بعد وضعه على قوائم الترقب، "تخرج لنا بالسلامة ومستنياك أنا وابنك رحيم، مش عارفة ممكن أقدر أعمل إيه غير إني أدعيلك".
عصام صاصا.. كما هاجمت جهاد ،الجمهور ومستخدمي مواقع التواصل الاجتماعي المختلفة بسبب أزمة زوجها الأخيرة، المتهم فيها بدهس شخص على الطريق الدائري ووفاته.
هجوم زوجته على رواد السوشيال ميديا
وعلّقت زوجة عصام صاصا، من خلال خاصية "ستوري"، على موقع تبادل الصور والفيديوهات القصيرة "إنستجرام" قائلًة: "أكتر حاجة تعباني إني حاولت في الأول أدافع عن عصام إنه مظلوم بس الترند خلاكم متشوفوش الحقيقة".
أضافت: "ودلوقتي بتقولوا حرام ده مظلوم ليه بيحصل فيه كده، مش طالبة حاجة غير إن ربنا يرجعه لابنه وبيته، بس على فكرة محدش قبض على عصام زي الأخبار ما بتنزل".
تابعت: "عصام هو اللي نزل عشان القضية بكرة، وكان عامل الفيديو قبل ما ينزل عشان مش عارف هو هيحصل إيه معاه في الجلسة".
عصام صاصا ينشر فيديو قبل نزوله للقاهرة
عصام صاصا.. وقال المطرب عصام صاصا في فيديو نشره على صفحته بموقع "إنستجرام"، إن هذا الفيديو قد يكون آخر فيديوهات، مؤكدا أنه بريء من التسبب عن عمد في وفاة الشخص الذي دهسه بسيارته، داعيا الله أن ينير قبر.
وأضاف عصام صاصا، إنه صدم الرجل من الجانب الأيسر وليس الأيمن، وهو ما يؤكد أنه كان في نصف الطريق وليس على الرصيف.
وتابع: الناس قالت عليا بدوس عالناس بفلوسي، وأنا أغلب من كده أنا والدي متوفى من وأنا عمري سنة عشت عمري مع أمي تحت خط الفقر، وربنا كرمني من سنتين، وعمري ما هدوس على حد.
واختتم عصام صاصا حديثه: أنا محتاج دعمكم وتفضلوا جنبي، وأنا راضي بقضاء ربنا وواثق في القضاء المصري.
وكان مطرب المهرجانات عصام صاصا، تم اتهامه بالقتل الخطأ من خلال قيامه بدهس سائق أعلى الطريق الدائرى بالجيزة ما أدى إلى مصرعه، وذلك أثناء قيادة المتهم سيارته تحت تأثير المخدر.
وتم إحالة عصام صاصا إلى المحاكمة والتي نظرت القضية وتم تأجيلها 11 أغسطس لحضور المتهم.
وتمكنت الأجهزة الأمنية من إلقاء القبض على شقيق عصام صاصا لقيامه بتزوير توكيل قضائي من الشهر العقارى باسم عصام صاصا يمكنه من الدفاع عنه دون حضور الجلسات.
