أحمد السبكي يكشف لـ" مصر تايمز" حقيقة منع عرض فيلم الملحد
نفى المنتج أحمد السبكي شائعات منع فيلم الملحد من دور العرض السينمائية بمصر و ذلك بعد أن كتب الإعلامي اسلام بحيري منشور مؤكدا منع عرض الفيلم على صفحته الرسمية.
وقال أحمد السبكي في تصريحات خاصة لـ "مصر تايمز" : "انا معرفش مين اسلام بحيري اللي كتب الكلام ده، و يعني هو الفيلم اتمنع و انا معرفش مش فاهم".
و أكد : "لسه مفيش مستجدات بخصوص الفيلم ولكن الفيلم متمنعش و محدش يصدق الكلام ده".
وفي وقت سابق قال أحمد السبكي في تصريحات خاصة لـ "مصر تايمز" : "ممكن جدا فيلم الملحد يتعرض في ميعاده الأساسي في حالة لو اتحلت مشكلة الصوت في الفيلم هيتعرض إن شاء الله يوم الأربعاء".
جدير بالذكر، أن أحمد السبكي قال في تصريحات سابقة لـ "مصر تايمز" : "الفيلم اتأجل لظروف فنية مش علشان حد بيتكلم، أنا معايا التراخيص بس أنا أجلت الفيلم علشان الانتهاء من بعض اللمسات الفنية في المونتاج والمكساج الخاص بالفيلم".
