كريم الحسيني يستغيث بدار الإفتاء بعد منعه من الصلاة في المسجد (فيديو)
استغاث الفنان المصري كريم الحسيني بدار الإفتاء، وذلك بعد منعه من دخول أحد المساجد في المقطم لأداء صلاة العصر، بسبب غلق المسجد بعد أداء الفريضة، وكان الفنان كريم الحسيني، قد ظهر في فيديو متداول على موقع التواصل الاجتماعي .
وقال خلال الفيديو: سؤال لدار الإفتاء ولشيوخ ولرجال الدين، لما أبقى ماشي على طريق وأركن وأكون عايز أصلي العصر والساعة دلوقتي مكملتش خمسة ونص، ولسه الناس خارجة من المسجد.
وتابع: أنا قدام مسجد الشهيد أحمد حسن الجندي في المقطم، ولما أركن وأقول له عاوزة أدخل أصلي العصر، يقول لي معلش إحنا قفلنا الجامع، قلت له بتتكلم جد ولا بتهزر؟ قال لي بتكلم جد.. قلت له طيب أنا مش جايلك في صلاة المغرب أنا جاي لك في صلاة العصر، واللي عاوز يصلي يعمل إيه.. قال لي جملة في منتهى الكوميديا، قال لي يصلي في بيته، قلت لو أنا مش في البيت وركنت وعاوز أصلي قال لي أنا عبد المأمور، قلت له العيب مش عليك العيب على اللي أصدر القرار.
وتساءل: "هل إحنا وصلنا لهذه الدرجة؟ بتكلم بجد وسؤال لكل الناس هو إحنا بنقفل الجوامع بعد الفريضة مباشرة؟ ده العصر مفتوح لغاية المغرب، هل ده يعقل؟.. ردوا عليا يا أهل الخير".
وتعتزم وزارة الأوقاف، فتح تحقيق في واقعة منع الفنان كريم الحسيني من الصلاة في مسجد الشهيد أحمد حسن الجنيدي في المقطم.
