ولادى وجوزى خط أحمر.. لقاء الخميسى تهدد مروجى شائعة تعرضها للضرب من نجلها
حذرت الفنانة لقاء الخميسى ، من تداول أى أخبار متعلقة بعائلتها، بعد انتشار شائعات مؤخرا بتعرضها للضرب على يد نجلها.
وقالت لقاء فى فيديو قصير عبر صفحتها الرسمية عدى موقع التواصل الاجتماعى انستجرام،:" ولادى خط أحمر وعيلتى خط أحمر كان فى موقع ناشر إن ابنى ضربنى ولما تواصلت معاهم وقولتلهم الكلام ده مش صح هما مشكورين شالوه وفجأة لقيت مواقع كتير متداولاه والكلام ده مش صح ".
وتابعت لقاء الخميسى ،:" أى حد هيتعرض لجوزى أو عيلتى هرفع عليه قضية .. اتقوا الله "
وكانت لقاء الخميسى قد قالت فى تصريحات سابقة لها ،: أكتر لحظات الغضب كانت مع ابني الكبير، هو أكتر واحد ممكن ينرفزني، واتنرفزت عليه أكتر من مرة، وساعات بكون مجنونة ومبحسش بنفسي وأحدف حاجات عليه".
وقالت ،:"عبد المنصف شخص متماسك ورزين أنا بقى شخص رومانسي وانفعالي وشاعري فكذا مرة أصرخ وأتجنّن وفي الآخر بنزل على مفيش"
