مواطن يحذر من توكيل منصور لسيارات إم جى: العربية فيها عيوب والتوكيل هيلبسهالك

حذر مواطن من توكيل منصور  وخاصة لسيارات إم جى ، بعد تجربته الشخصية مع السيارة والتوكيل.

وقال صاحب المشكلة مستعرضها عبر السوشيال ميديا،: السلام عليكم بصراحه مفيش اسوء من توكيل ام جى والله كرهت السياره بسبب وكيلها كرهني فى العربيه ومش بنصح اى حد بالماركه دى انا معايه ام جى زد اس انا مالك اول ومن اول ما جبت السياره وهى فيها عيوب صناعه وكل ما اروح التوكيل اهم حاجه عنده انه يلبسك العربيه وتدفع الفلوس وتمشى غير كده معندوش اى أسلوب فى خدمه العميل او ارضاءه

وتابع :" من اول يوم عيب صناعه فى قاعده الماتور ويحجز العربيه اكثر من ٢٥ يوم ولا حد يرد عليك ولا يعبرك وفى الاخر تستلم العربيه ويقولك انا غيرت القاعده تخرج تلاقى نفس الصوت ونفس كل حاجه وزوايا مش مظبوط كلمتهم وانا لسه بره كمل حضرتك وجربها بس على الطريق متقلقش وبعدين الالقى نفس المشكله ارجع ليهم بعدها ضبط زوايا يقولى فى مشكله عندك فى قطمه الدريكسيون ولازم نغيرها ومش متوفر القطعه والزوايا تمام اخرج الالقى الزوايا زفت واسمع صوت كركبه جامده أمام يمين اكلمه يقولى متقلقش دا من القطمه طيب الزوايا مش تمام لما نغير القطمه طيب امتى لما تتوفر الكلام ده فى شهر 5 لحد من ثلاث ايام بعد معاناه واتصالات وشكاوى لمده شهرين تعالى القطعه جت اغير القطمه واجى استلم الاقى الكركبه زى ما هى وصوت الكلاكس مش مظبوط يقولى حضرتك اصل محتاجين نغير مقص أمامى شمال اقوله ازاى انا لسه مغيره عشان المشكله القديمه يقول اصل ممكن انت وقعت فى نوقره جامده اقوله انا ماشى من عندكم كده واسأل المهندس عندك ومفيش فايدة".

وقال :" خارج العربيه مش تمام وتوكيل خدمته مش تمام منصور من اسؤ التوكيلات لا انصح اى احد بالتعامل معاه حسبى الله ونعم الوكيل انا معايه كل الوصلات إلى دفعت بيها وعلى السيستم عندهم كل البيانات وياما اشتكيت  لو فى حد يقد ينصحني ازاى اجيب حقى ياريت