شيرين توجه رسالة لـ هيفاء وهبي "هفضل ممتنة لها لوقفتها معايا"

وجهت النجمة شيرين عبد الوهاب رسالة حب وتقدير للنجمة هيفاء وهبي عبر صفحتها الرسمية" x" ، عن مساعدتها ودعمها في أزمتها الأخيرة .

وكشفت شيرين عن بعض المواقف لـ هيفاء معها قائلة " : «أنا رديت على النجمة هيفاء وهبي مش عشان باركتلي على الأغاني.. النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني».

وأضافت" هيفا أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللي شفتها فى الوسط الفني، هيفاء بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده، الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى إني ليا أخت فعلا شكرا يا هيفا يا حبيبتي، وياريت ياريت فى مصر لو في مشاكل انا بناشد أي حد ان الست دى طيبة جدا جدا متستاهلش إلا كل خير". 

وكانت طرحت النجمة شيرين عبد الوهاب ثالث أغاني ألبومها الجديد والتى تحمل اسم "هنحتفل" على قناتها الجديدة بموقع يوتيوب وكذلك حسابها بموقع X، والأغنية من كلمات تامر حسين وألحان عزيز الشافعي وتوزيع توما، الذين حرصوا على الترويج للأغنية طرحها على حساباتهم بمواقع السوشيال ميديا.