"هترجع أقوي".. أسما شريف منير توجه رسالة دعم لـ شيرين عبد الوهاب

وجهت الفنانة أسما شريف منير، رسالة دعم للفنانة شيرين عبد الوهاب بعد أزمتها الأخيرة مع حسام حبيب وشركة روتانا .

ونشرت أسما شريف منير عبر حسابها على موقع التواصل الاجتماعي «إنستجرام»، مقطع فيديو وهي تقوم بغناء "بتمنى أنساك" لـ شيرين عبد الوهاب، وكتبت: «شيرين عبد الوهاب موهوبة بشكل فريد جداً، نفسي الناس تبطل تحكم على البشر اللي زيهم، الأخبار اللي بتنزل والناس تقعد تقول ما كفاية قرفتونا والحاجات دي مش بمزاجها على فكرة، الأخبار دي بتنزل من غير حتي استئذان، أنا بقول كده لأني أكتر واحدة حاسة بإحساس أني عشان قبلت أكون شخصية عامة فالكلام عني بقي مباح والناس بتقول رأيها من غير أي مراعاة لمشاعر أي حد».

وأضافت: "لو افترضنا أن الشخص ده تعبان نفسيهاً نروح مكملين عليه بكلام جارح وفضايح واستنتاجات محدش يعلم بيها غير ربنا، لو بس بطلتوا تسمعوا عنها وعن أخبارها وتسمعوها هي، الأغاني باين فيها جداً حزنها و ووجعها، ربنا يعافيها ويعفوا عنها وترجع تقف على رجليها أقوى من الأول و تتعافى وترجع بطاقة أجمل وأحسن من الأول، أنا حقيقي بحبها و بحترمها و بحترم مشوارها اللي مش سهل خالص، اللي عملته من بدايتها كان في منتهى الصعوبة وعشان هي شخص قوي ان شاء الله هترجع أقوي عفوك سبب لنيل عفو الله عنك، قال تعالى: وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ {النور:22}".

وكانت طرحت النجمة شيرين عبد الوهاب ثالث أغاني ألبومها الجديد والتى تحمل اسم "هنحتفل" على قناتها الجديدة بموقع يوتيوب وكذلك حسابها بموقع X، والأغنية من كلمات تامر حسين وألحان عزيز الشافعي وتوزيع توما، الذين حرصوا على الترويج للأغنية طرحها على حساباتهم بمواقع السوشيال ميديا.