حذفت جميع صورها.. ريهام سعيد تثير الجدل من جديد
أثارت الإعلامية ريهام سعيد الجدل مرة أخرى، حيث قامت بحذف جميع صورها عبر صفحتها الشخصية «إنستجرام» بشكل مُفاجئ.
وكتبت ريهام سعيد رسالة مؤثرة حيث قالت: «نادر صعب انت دمرت حياتي ده ولا عشان ميديا ولا قضايا انت لازم تعيش وانت فاهم انكً دمرت حياتي ومستقبلي أنا مسحت الصور القديمة لأني مش قادره اشوفها وأشوف اد ايه انت دمرتني واد ايه أنا كنت جميلة، ولا قادره أشوف صوري الجديده لأني مشوهة ومش أنا.. قريت تقرير الطب الشرعي؟ قريت أن في خطأ طبي؟ قريت اني مشوهة ؟؟؟؟ حسبي الله ونعم الوكيل فيك ربنا ينتقم منك يا رب وأي حد بينصرك عليه أنا ولا حسه اني ست ولا حاسه اني عايزه اعمل حاجه انا انتهيت وانت السبب. قالوا لي ماتمسحينش كل الصور وكل حاجه عشان هتخسري متابعين طب اعمل ايه وشي ضاع هايتابعوا واحده مشوهه ؟؟؟ ليه».
وأضافت: «أنا كده كده خسرت هويتي بعد ما ضيعت عينيه مفيش اغلى من كده هخسر. معداش يوم من غير ما ابكي من الحزن على إلى انت عملته فيه. ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ}صدق الله العظيم».
واختتمت: «بقالي ٨ شهور يجري في القضايا ولسه ماوصلتش لحاجه بس أوعدك الحق راجع واكيد في يوم هتحس انت عملت فيه ايه .انا بستغيث باي دكتور شريف يقدر يحسن وشي مش للدعايه ولا المتاجره بيه .يا رب يارب يرزقني بدكتور يحييني بعد ما نادر صعب موتني .ارجو أن التعليقات الجارحة على شكلي تقف لان مفيش في ايدي حاجه اعملها».
وكانت أعلنت الإعلامية ريهام سعيد ، اللجوء للقضاء ضد مركز تجميل لاستخدامه صورتها وقت أزمتها الأخيرة مع الطبيب اللبناني أثناء عملية التجميل.
تصريحات ريهام سعيد
ونشرت ريهام صورة الاعلان المستغل لصورتها قائلة: "طب أنا اعمل ايه ؟؟؟؟ أعيش في مباحث الإنترنت ؟ يا عالم يا نصابه يالي ماعندكوش دم بتسترزقوا من ورا ابتلاء ربنا اداه لواحده ست ؟؟؟؟؟ اقسم بالله اقسم بالله ما سيباكوا و غلطه عمركوا أنا هاوريكوا يعني ايه بلد فيها قانون والله بتزودوا وجع الواحد اكتر ما هو موجوع بس تمام كل جمهوري هايعمل رببورتات في الصفحه ده غير القانون".
وكانت الإعلامية ريهام سعيد قد أشارت فى تصريحات سابقة لها إلى أن الحرب بين الإنسان وذاته صعبة عندما يقرر إيقاف فعل شيء وخصوصا عندما تكون حالة مرضية «في ناس كتير من وهي صغيرة بتسرق وبتبقى مقتدرة ومعاها فلوس لكن برضوا بتسرق، وتكرار سرقة الأشياء يدل علي أن الشخص مريض ولازم يروح لدكتور نفسي».
