أول تعليق من ريهام سعيد بعد حذف صورها: "بمر باكتئاب شديد وشكلي بقى زي الشيطان"
علقت الإعلامية ريهام سعيد علي سبب حذفها لصورها عبر بث مباشر على صفحتها الرسمية "إنستجرام.
وقالت " ملخص أن مسحت الصور على البروفايل لأن فعلا مش قادرة أشوف صوري القديمة وبزعل على نفسي وقد أية كنت حلوة ومكنتش حاسة ولو كنت عندي شوية تجاعيد كنت اقدر اتصرف فيها".
وأضافت "طالعة بميكب كامل وعيني مفتوحة وعين مقفولة وحصلي موقف في مدرسة أبني وكانوا بيصورا فيديو وأداري وشي ومش معقول هروح الصبح ميكب كامل وأدركت ساعتها أن مشوهة ".
وتابعت أنا حزينة علي علي القسوة أن قالوا مدفعتش فلوس وأنا دافعة فلوس ، أنا بمر باكتئاب شديد ولازم لما أنزل من البيت ألبس نظارة شمس ، وشي مداري ب20 كيلو ميكب ،أنت دمرتني وأنت غيرت شكلي أنا مش ريهام انا بصحي مش عارفة نفسي .
وقالت أنا مبحبش الميكب أنا بقيت عاملة زي الشيطان كل دكتور يشوفني يقولي عاملة زي رواد الفضاء ، انا بضطر احط طبقات ميكب كتير عشان أداري وشي .
واختتمت "مش قادرة اشوف وشي الجديد حقى عند ربنا انت اتعاملت معايا بقسوة شديدة و مرحمتنيش ".
و أثارت الإعلامية ريهام سعيد الجدل مرة أخرى، حيث قامت بحذف جميع صورها عبر صفحتها الشخصية «إنستجرام» بشكل مُفاجئ.
وكتبت ريهام سعيد رسالة مؤثرة حيث قالت: «نادر صعب انت دمرت حياتي ده ولا عشان ميديا ولا قضايا انت لازم تعيش وانت فاهم انكً دمرت حياتي ومستقبلي أنا مسحت الصور القديمة لأني مش قادره اشوفها وأشوف اد ايه انت دمرتني واد ايه أنا كنت جميلة، ولا قادره أشوف صوري الجديده لأني مشوهة ومش أنا.. قريت تقرير الطب الشرعي؟ قريت أن في خطأ طبي؟ قريت اني مشوهة ؟؟؟؟ حسبي الله ونعم الوكيل فيك ربنا ينتقم منك يا رب وأي حد ينصرك عليه أنا ولا حسه اني ست ولا حاسه اني عايزه اعمل حاجه انا انتهيت وانت السبب. قالوا لي ماتمسحينش كل الصور وكل حاجه عشان هتخسري متابعين طب اعمل ايه وشي ضاع هايتابعوا واحده مشوهه ؟؟؟ ليه».
وأضافت: «أنا كده كده خسرت هويتي بعد ما ضيعت عينيه مفيش اغلى من كده هخسر. معداش يوم من غير ما ابكي من الحزن على إلى انت عملته فيه. ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ}صدق الله العظيم».
واختتمت: «بقالي ٨ شهور يجري في القضايا ولسه ماوصلتش لحاجه بس أوعدك الحق راجع واكيد في يوم هتحس انت عملت فيه ايه .انا بستغيث باي دكتور شريف يقدر يحسن وشي مش للدعايه ولا المتاجره بيه .يا رب يارب يرزقني بدكتور يحييني بعد ما نادر صعب موتني .ارجو أن التعليقات الجارحة على شكلي تقف لان مفيش في ايدي حاجه اعملها».
