زوجة عصام صاصا تكشف حقيقة طلبها خلوة شرعية بزوجها في السجن

علقت جهاد أحمد زوجة مطرب المهرجانات عصام صاصا على شائعات التي تتردد خلال الفترة الماضية حول طلبها خلوة شرعية مع زوجها في السجن . 

رد زوجة عصام صاصا على شائعات طلبها خلوة شرعية بالسجن 

نشرت جهاد أحمد فيديو على صفحتها الرسمية عبر موقع تبادل الصور والفيديوهات "إنستجرام" وعلقت قائلة: "أنا بقالي فترة بينزل عليا أخبار كتير مكنتش حابة إن أنا أطلع أتكلم أو أوضح إيه اللي حصل لحد ما أطمن على عصام، لحد من 4 أيام أو 5 أيام نزل خبر إني طلبت خلوة شرعية، الكلام ده غلط وكدب، أنا مقولتش كدة ومطلبتش كدة". 

وأضافت : "إحنا بقالنا فترة مشوفناش عصام أو مزورناهوش، ف الطلب اللي اتقدم إن أنا طالبة تصريح زيارة أنا ووالدة عصام، ف ليه التحريف في تصريحات وليه الكدب، مش فاهمة ليه الناس ممكن تنزل خبر كدب زي كدة خصوصا إن هو خبر مش عادي، إحنا دخلنا في أعراض ومكنتش حابة أتشهر في حاجة زي كدة، كنت حابة إن تركيزي كله يبقى مع جوزي ومشكلة جوزي" . 

وتابعت: "بس الموضوع بدأ في سياق تاني خالص ومفيش حد يستحمل إن هو يشوف أخبار كدب بتنزل عنه وكومنتات وحشة جدا، ليه ياجماعة التشهير بالناس وسمعة الناس كدة، عامة أنا نزلت أخدت إجراء قانوني ضد كل موقع نزل خبر كاذب أو حرف في تصريحات بطريقة غلط، وضد كل أكونت شهر بيا وبسمعتي". 

وأوضحت: "إن أنت تكره شخص أو تحبه أكيد حاجة ترجعلك بس المش مسموح بيه إنك تغلط في الشخصية دي أو تسوأ سمعتها بالطريقة اللي أنا بشوفها دي، ف بالتالي أنا أخدت إجراء قانوني ضد كذة أكونت منزل مسوأ في سمعتي وبيشهر بيا، لأن ده حقي ومش مسموح، أنا هفضل واقفة جنب جوزي ومش هسمح لحد إنه يتكلم عليه بكلمة وحشة، ومش هسمح لأي حد إنه يغلط فيا ويسوأ سمعتي بالطريقة اللي أنا شايفاها دي". 

وأكملت: "أنا بجد متضايقة جدا جدا ومش عارفة أنا أذيت حد في إيه إن هو ينزل بوست عليا خبر زي كدة، والناس تشهر وتتكلم عليا بطريقة بشعة اللي أنا شايفاها دي، في الأول وفي الأخر أنا إنسانة عندي مشاعر وبحس وبتضايق وبزعل لما يتقال عليا كلام وحش، ف كان لازم أوقف المهزلة دي وأخد إجراء قانوني لأن البلد فيها قانون في الأول في الآخر".