عمرو مصطفى:"أنا مش شايل من حد.. وبدعم كل الشباب من الجيل الجديد"
حرص الفنان عمرو مصطفى، على توجيه رسالة لكل الشباب الموهوبين في الغناء والمؤلفين والتوزيع، مشيرًا إلى أنهم يستحقوا الفرصة.
عمرو مصطفى: «مسامحك كل الناس.. وبفتح صفحة جديدة مع جيل الشباب»
كتب عمرو مصطفى، عبر حسابه الرسمي على موقع التواصل الإجتماعي “فيسبوك”: “بعد النجاح الكبير اللي حققته، أنا مش شايل من حد، بالعكس أنا مسامحكم كلكم، لأن بعد اللي شفته ده عرفت إن الطاقة دي ممكن تتوجه لحاجة أفضل”.
وأضاف: "صفحة جديدة ببدأها مع جيل الشباب اللي بجد يستحقوا الفرصة، الماضي كان ليه ناسه، لكن المستقبل للشباب اللي عنده طموح، وقتكم انتهى، لكن ده مش معناه إن الحياة بتقف، لكل جيل فرصته، أنا هنا لدعم الجيل الجديد، مع كل الحب".
وكان أعلن الملحن والفنان عمرو مصطفى، عبر حسابه الرسمي بموقع التواصل الاجتماعي «فيسبوك» عن إعادة توزيع أغنية «ماشربتش من نيلها» للفنانة شيرين عبد الوهاب خلال الساعات القليلة الماضية.
وكتب عمرو مصطفى عبر حسابه على «فيسبوك» عن إعادة توزيع أغنية «ماشربتش من نيلها» «الأصوات المصرية الجميلة عايزكم تحفظوا أغنية مشربتش من نيلها، لأننا بنعيد توزيعها الآن كلمات الشاعرة الكبيرة نور عبد الله، وألحاني، غنوها وارسلوا لي أصواتكم عبر الانستجرام عشان تنزل قريب بصوت مصري جديد».
كما أعلن مؤخرآ الملحن عمرو مصطفى، عن فرصة للشباب للتعاون معه، وذلك احتفالا بمرور خمسة وعشرون عامًا على أولى ألحانه.
ونشر عمرو عبر حسابه على موقع تبادل الصور والفيديوهات "إنستجرام"،فيديو له وهو يوضح كيفية التواصل معه لإرسال الأعمال للشباب الموهوبة سواء كانت في مجال التوزيع، التأليف، أو الغناء.
وكتب عمرو مصطفى " لو عندك موهبة في التوزيع، التأليف، أو الغناء سواء كنت شاب أو بنت، دي فرصتك نشتغل سوا مستنيكم تبعتوا أعمالكم على إنستجرام أو فيسبوك ، موهبتك ممكن تكون الخطوة الجاية في رحلتنا الفنية. ما تضيعش الفرصة وخلينا نشوف إبداعك .
و أثار الملحن عمرو مصطفى، خلال الأيام الماضية، حالة من الجدل، وذلك بعد توجيهه رسالة أشار من خلالها إلى أن بعض النجوم قلت نجوميتهم بعد أن ابتعد عنهم صناع أغانيهم.
وقال عمرو مصطفى، في منشور عبر حسابه الرسمي بموقع التواصل الاجتماعي فيسبوك: فيه ناس كانت بتلمع على حساب غيرها، والناس كانت فاكرة إنهم كنز، بس لما اللي كان بيديهم بريقه سابهم، طلعوا ورق مطلي، والمكان اللي كانوا معتمدين عليه سابهم النهاردة الأرقام ما بتكدبش، والحفلات مابقتش زي زمان، واللي بيحاولوا يخلقوا رأي عام ضدي من وراء الكواليس، ده كله ما بيهزرش شعرة منى.
