عاجل.. بيلعب بالملايين واحنا بنلحس التراب.. أشقاء مطرب شهير يهاجمونه (فيديو)

أعلن أشقاء المطرب الشعبي مسلم تفاصيل أزمتهم الأخيرة معه، وذلك بعد أن عمل فيديو ينكر فيه صلته بأشقاءه . 

وكشف أحد أشقاء مسلم تفاصيل الواقعة قائلا، : "أنا شاهدت الفيديو زي ما كل الناس شافته ولما شاهدته بصراحة تأثرت نفسيا وتعبت وزعلت لأن أنا مكنتش متصور من مسلم إنه ممكن يعمل كدة، لأن برضه زي ما عمل مع والدته، هو عمل معانا من فترة طويلة" . 

أزمة مسلم مع أشقائه

وتابع : "هو طلع في فيديو ونكرنا قال دول مش إخواتي علشان أخويا ابتدا بحكاية الميراث وكدة، وأنا غلطت أخويا على اللي حصل لأن من وقت وفاة والدي واحنا اختلفنا على موضوع الميراث ده" . 

وأضاف : "والدي توفى في 2019، واحنا اختلفنا يوم الجنازة بالظبط، ولما اختلفنا إحنا سيبنالهم كل حاجة وقولنالهم مش عايزين حاجة، ف لما طلع اخويا في فيديو بيقول على الحكاية دي إنه فتحها تاني، اتفاجئنا إن مسلم طالع بيقول دول مش إخواتي، ف أنا اتأثرت واتوجعت لأن أنت ليه طالع تقول قدام الناس دول مش إخواتي" . 

وأوضح : "اه يمكن يكون أخويا غلط ماشي، بس أنا أخويا مغلطش، أخويا طلع بيقول إن أنتوا اتقطعتوا، الصلة بتاعتكم اتقطعت، وفعلا مسلم من يوم ما ابتدا وربنا أكرمه الصلة اتقطعت جدا بيننا وبين بعض، بس أنا مكنتش متخيل منه كدة لأنه أخويا ودول إخواتي، فمينفعش تطلع قدام الناس وتقول وتصرح لا دول مش إخواتي وعالم مرضى دي أصلا توجع" . 

واستكمل : "أنا مكنتش متخيل منه كدة لأن أنا وأخويا مكناش بندور على مال ولا إن مسلم ربنا اداله واتشهر مكانش في دماغنا الكلام ده، احنا كان اللي في دماغنا إن احنا نضم بعض تاني إحنا الخمسة لأننا افترقنا، ليه يا مسلم ليه تعمل كدة، ليه طالع قدام الناس تشكك فينا وتقول دول مش إخواتي" . 

واستطرد: "مهما تكون فيه خلافات بيننا ومهما تكون فيه مشاكل بيننا مينفعش تطلع قدام الناس وتقول دول مش إخواتي ودول عالم مرضى، يعني ده ياريت حتى قال مش إخواتي، ده قال عالم مرضى، وإحنا مش بندور عليه علشان الفلوس، إحنا بندور عليهم علشان صلة الرحم، ومسلم كان بيتردد علينا في الصعيد وأنا اللي مربيه أنا أكبر منهم، ومسلم يعتبر أصغر واحد في إخواتي، وياما شيلته على أكتافي" .