أحمد العوضي يكشف قصة علاقته بعامل البوفيه
كشف النجم أحمد العوضي في تصريحات صحفية حول علاقته بعامل البوفيه.
وقال: فيه ناس قفشت عليا في كلمة إني قولت باخد انطباع نجاحاتي علي الدورمن عامل البوفيه، وعلقوا إزاي قولت عامل البوفيه.
وتابع النجم أحمد العوضي: وهو عامل البوفيه ده مش بني آدم وبعض الناس شافوا أن الموضوع سطحي، وأكيد أنا مش شايفك أنت عشان تحكم عليا، أنا مقدره هو وعشان أعرف أني بمثل حلو، مش هجيب ناس معينة أخد منها الرأي يعني، وبقولها تاني أني باخد انطباع نجاحي علي الدور من عامل البوفيه، وأنا مش بضايق من الكوميكس اللي بتتعمل عليا.
مسابقات أحمد العوضي
وتحدث النجم أحمد العوضي، عن المسابقات التي يقدمها لجمهوره بشكل دائم ومستمر، حيث أكد علي أنه لايعتبرها صدقة، ولكنها عادة بينه وبين جمهوره.
و أن المسابقات دي بقت عادة وبدأناها مع بعض أنا وجمهوري، والمسابقات دي بتبقى أبسط حاجة أعملها ليهم وبتفرحهم، وبيبقى فيه تفاعل كبير بيني وبينهم دلوقتي.
وأضاف: مبحبش إن حد يشاركني في المسابقات دي لأنها حاجة بيني وبين أخواتي، والموضوع فادني أنا ك أحمد في إن ربنا بيكرمني وبيفتحها عليا بسبب المسابقات دي وعمري ماقولت إنها صدقة.
شائعة وفاة أحمد العوضي
وعلق النجم أحمد العوضي علي انتشار شائعة وفاته خلال الأيام السابقة، إذا أكد أنه بحالة جيدة، ولا يعلم مصدر تلك الشائعات وقال النجم من خلال تصريحات صحفية: صحيت لقيت الناس مطلعاني تعبان، الفيديو المنتشر ليا كان في يناير، وأنا الحمد لله كويس معرفش الكلام اللي طلع دة ليه، وكذا حد سأل عليا زي الفنانة فريدة سيف النصر، عبد الباسط حمودة وبدرية طلبة.
يذكر أن النجم أحمد العوضي قام بزيارة في الأيام الماضية أحد المراكز العلاجية التابعة للصندوق ومشاركة المتعافين الأنشطة الرياضية، وذلك في إطار الحرص والتأكيد علي إزالة الوصمة عن مرضى الإدمان ومساندتهم بعد التعافي علي الإندماج مرة أخري بالمجتمع
ووجه رسالة للشباب: أوعى تجرب المخدرات طريق نهايته الضياع والرجولة مش في التعاطي ..أنت أقوي من المخدرات، كما حث المتعاقين علي الاستمرار في التعافي، ووجه الشكر للقائمين علي الصندوق.
والجدير بالذكر أيضاً يستعد أحمد العوضي للمشاركة في الموسم الرمضاني المقبل 2025، من خلال مسلسل فهد البطل، إذا يقدم دور البطل الشعبي، الذي يمر بالعديد من الصعوبات، وسيشارك في بطولة العمل الفنانة ميرنا نور الدين، والفنان عصام السقا، وآخرين، والمسلسل من تأليف محمود حمدان، وإخراج محمد عبد السلام، وإنتاج شركة سينرجي.
