كارمن سليمان تبدع في أغنيتها الجديدة "أسيبلك روحي"
طرحت المطربة كارمن سليمان، أغنيتها الجديدة التي تحمل اسم "أسيبلك روحي"، على يوتيوب وجميع المنصات الغنائية، والأغنية من كلمات مصطفى ناصر، وألحان مصطفى العسال، وتوزيع ماهر الملاخ، والأغنية من إنتاج مصطفى جاد.
كلمات أغنية أسيبلك روحي
وتقول كلمات أغنية أسيبلك روحي
بقى جايلي تاني تسمعني كلام بتقوله بس عشان ترجعني
ولما أرجع تضيعني ولما هضيع كلامك مش هينفعني
روح شوف بدالي أنا نسيتك خلاص مبقتش أنا اللي بضعفي قويتك
وشوفتك سكة ومشيتك غلطت كتير وغلطة عمر حبيتك
لو اتخير ولازم حاجة هختارها اسيبلك روحي ولا اكسرها هكسرها
حاولت اكسب وجودي معاك ولما مشيت طلع في حاجات كتير مكسبها نخسرها
مفيش دلوقتي مفيش بكرة ولو محتاجني اعيشلك عيش على الذكرى
رجوعك تاني مش فكرة ده عمر زمان ما يرجع مهما ايه يجرى
لو اتخير ولازم حاجة هختارها اسيبلك روحي ولا اكسرها هكسرها
حاولت اكسب وجودي معاك ولما مشيت طلع في حاجات كتير مكسبها نخسرها
ومهما تقول أنا ندمان على الفاضي
ياريت ندمان كانت بترجع الماضي
وقالت كارمن سليمان، مؤخرًا في تصريحات لبرنامج «نجمك مع يارا»، المذاع عبر شاشة قناة «هي»:«علمنا ميني ألبوم حبايب قلبي بحب أوي أنا وعزيز الشافعي ومصطفى جاد، واشتغلنا عليه بكل حاجة جوانا، وكنا مبسوطين جدًا بالفكرة اللي جت أصلًا من عند عزيز، وعزيز فعلًا كان مديني أحسن حاجة عنده».
واختمتت: «بحب تامر حسني جدًا، وبحب كل اللي بيعمله ودايمًا ببقى متابعة كل حاجة بينزلها، ونفسي أعمل دويتو معاه، وبرضو نفسي أعمل دويتو مع ويجز، هو موهوب جدًا ومن الناس المهمة جدًا في مصر والوطن العربي».
وبالفعل استجاب النجم تامر حسني، لطلب الفنانة كارمن سليمان بتعاونهما سوياً في أغنية «دويتو»خلال الفترة المقبلة، وذلك وفقا لما صرحت به ببرنامج«نجمك مع يارا»، المذاع عبر قناة «هي».
وشارك تامر حسني، متابعيه عبر حسابه الشخصي بموقع «انستجرام»، تصريحات كارمن سليمان، وعلق على مطالبتها بتعاونهما: «يشرفني يا أحلى كوكي في الدنيا».
يذكر أن آخر أعمال المطربة كارمن سليمان أغنية هنا هنا والأغنية من كلمات وألحان عزيز الشافعي، وتوزيع طارق مدكور، ومن إنتاج عزيز الشافعي ومصطفى جاد.
