بسمة بوسيل تطرح أغنيتها الجديدة "هابدأ أعيش"
طرحت الفنانة بسمة بوسيل أغنيتها الجديدة تحمل اسم" هابدأ أعيش" عبر قناتها الرسمية على موقع التواصل الاجتماعي "يوتيوب" ، والأغنية من كلمات محمود سليم، وألحان علي الخواجة، وتوزيع مؤمن ياسر، وميكس وماستر مصطفى روؤف.
وتقول كلمات أغنية هابدأ أعيش.. للفنانة بسمة بوسيل
خليتني بيك أشوف
اللي ماشوفتوش بعيني
قلبي ده قال حروف
مقالهاش طول سنيني
كان فيه جوايا خوف
قلبك دا كان ماليني
حسيت معاك بأمان
شوفت معاك الحياة
بلون وبشكل تاني
احساس بجد ياه
أخدني من مكاني
قلبي عمره ابتداه
أول ما بقيت عشاني
ولا لقيت لقلبي مكان
هابدأ أعيش.. مافيش
ولا حاجة ها تخليني أسيب آديك
خلاص لاقيت
كل اللي نفسي فيه ده فيك
بقيت بشوف
الدنيا أحلى وهي بيك
وأكتر بكتير
لو ثانية تكون بعيد
مش هتنازل عليها
هافضل جمبك وأعيد
كل حاجة أبتديها
تاني بأحساس جديد
دي حياتي أنت ماليها
كل يوم بيك عيد
لما قلبي لقاك
كانت هي دي البداية
وناويت اعيش معاك
قصة وملهاش نهاية
لو عشت عمري ليك
صدقني مش كفاية
عمر شوية عليك
ووجهت مؤخراً بسمة بوسيل، رسالة للنجم تامر حسني، بعد طرحه أحدث أغانيه الجديدة "جامدين جامدين" عبر قناته الرسمية على "يوتيوب.
و كانت بسمة بوسيل تصدرت صورتها على البحر برفقة النجم الكبير عمرو دياب، على مواقع التواصل الاجتماعي، بعد انتشارها على نطاق واسع بين الجمهور.
يذكر أن آخر أعمال الفنانة بسمة بوسيل أغنية "عيشنا وشوفنا" ، والأغنية من كلمات وائل توفيق،و ألحان حسن علي، ومن توزيع فادي إبراهيم.
