محمد محمود عبد العزيز يتصدر التريند بعد ظهوره مع صاحبة السعادة

محمد محمود عبد العزيز .. تصدر محمد محمود عبد العزيز محرك البحث جوجل خلال الساعات الماضية وذلك بعد ظهوره ببرنامج صاحبة السعادة مع الفنانة إسعاد يونس . 

محمد محمود عبد العزيز يتصدر التريند 

محمد محمود عبد العزيز .. كشف محمد محمود عبد العزيز عن موقف جمعه بوالده الساحر محمود عبد العزيز أثناء تصويره فيلم إبراهيم الأبيض قائلا : "عبد الملك زرزور هو كان متخوف جدا من الشخصية لأن بالنسبة له هي شخصية ملهاش مرجع" .

محمد محمود عبد العزيز .. وأضاف : "نزل هو أول يوم تصوير، وتاني يوم كنت أنا لسه مروحتش ف لقيته بيكلمني على 4 الفجر، بيقولي أنا كنت عايزك تيجي معايا أنا حاسس إن أنا مش مظبوط وعامل الدور أوفر وأنا متعصب، ف قولتله طب يا ريس أنا جايلك" . 

محمد محمود عبد العزيز .. وصرح : "ف دخلت أنا على مشهد كان أول مشهد بينه وبين السقا بتاع أنا حييتك تاني، دخلت بصيت وخلص المشهد ودخل الأوضة، قولتله يا ريس أنا هروح أنام لأن أنا مطبق من امبارح ومش شايف، بيقولي يا جدع بقولك أنا قلقان، قولتله أبوس إيدك خليك زي ما أنت لو حضرتك شايف إن ده أوفر خليك على الأفورة دي، ف لقيته بيقولي يا سلام بتفهم اوي، فقولتله طب جايبني ليه ما أنا جاي علشان يا أطمنك يا أقلقك، ف أنا بطمنك ف تمام الدنيا حلوة" . 

محمد محمود عبد العزيز .. وفي سياق متصل، تحدث محمد محمود عبد العزيز عن شخصية محمود شرشر التي قدمها بمسلسل برغم القانون وعلق قائلا : "والله محمود شرشر ده كرم من عند ربنا بمنتهى الصراحة، يعني الشخصية لما جاتلي في البداية كان عندي حالة تخوف على قلق، هو سهل ممتنع جدا" .

محمد محمود عبد العزيز .. وأضاف : "هو موجود منه كتير جدا وفي نفس الوقت عنده خبايا، واتعاملت مع الشخصية تهمة تهمة لأن المفروض في الأول خالص يمثل إنه ميعرفش حاجة، ف اتعاملت إن أنا فعلا معرفش حاجة ومكانش قدامي حل تاني إن أنا أبقى مش عارف الحلقات مكتوب فيها إيه" . 

محمد محمود عبد العزيز .. وتابع : "ف اتفاجئت ردود أفعال وأنا بصور إيجابية اوي بس أنا دايما مش من النوع اللي باخد أراء إيجابية اوي، ببقى قلقان أكتر من الناس المتفرجين لما العمل بيتعرض، ف اتفاجئت بعد أول حلقة أو حلقتين برد فعل يعني اللهم لك الحمد والشكر بالنسبة لي خضني جدا" . 

محمد محمود عبد العزيز .. وفي سياق متصل، كشف محمد محمود عبد العزيز عن رأيه بدور إيمان العاصي في مسلسل برغم القانون قائلا : "إيمان العاصي على المستوى الشخصي بالنسبة لي اكتشاف في المسلسل، إحنا طول عمرنا نعرف بعض" . 

محمد محمود عبد العزيز .. وأضاف : "بس لما قربنا من بعض هي بني آدمة جميلة جدا جدا على المستوى الشخصي والفني، إيمان بالنسبة لي اجتهدت جدا وذاكرت جدا، يعني مذاكرة وتحضير يعني بجد فكرة على نيتكم ترزقون" . 

محمد محمود عبد العزيز .. وتابع : "هي اشتغلت وكانت حاطة نيتها جدا في الموضوع إنها تعمل حاجة حلوة، وبتحارب إن هي متبانش إيمان اللي طول العمر الناس شايفاها البنوتة الكيوت اللطيفة اللي كل الناس كلها يمكن لو قرأت الورق في المطلق هتبقى متخوفة من فكرة إيمان، لأن إيمان هي البنوتة الجميلة دايما" . 

محمد محمود عبد العزيز .. وصرح : "يعني حتى في جعفر العمدة لما كانت مع رمضان، كانت عاملة البنوتة الشعبي بس في النهاية دلال البنوتة الحلوة الشعبي اللطيفة، هنا التحدي بالنسبة لنا كلنا وعلى رأسنا إيمان إن الناس تقتنع إن إيمان واحدة من نسيج هذا الشعب اللي شغالة واللي تعبانة، ده كان تحدي لينا كلنا مش لإيمان بس" .