تخطى حاجز عادل إمام.. رأي صادم لحسن يوسف في محمد رمضان

كان الفنان الراحل حسن يوسف من أكثر النجوم الذين أشادوا بالفنان محمد رمضان في بداياته تجاه النجومية، في ظل الهجوم الذي كان يتعرض له رمضان في بداية نجوميته . 

إشادة حسن يوسف بمحمد رمضان 

قال حسن يوسف في تصريحات تليفزيونية : "كل واحد ناجح في مجاله يعني مفيش حاجة بينك وبينه إنك تقول الراجل ده وحش، الراجل ناجح أصلا" . 

وأضاف : "والغريب في الوسط بتاعنا إنه بيجي على واحد ناجح جدا زي محمد رمضان ده، وتيجي تقول عليه إنه فاشل، طب أنت حكمت منين إنه فاشل، ده إذا كان الراجل تخطى كل الحواجز حتى حاجز عادل إمام، ف تقول عليه فاشل إزاي، ف لما يجي واحد زميله أو مخرج أو ناقد يقول عليه ده ممثل فاشل وميعرفش يمثل، طب بأمارة إيه ما فيه 99 مليون بيتفرجوا عليه وبيدفعوله تذاكر في السينما، فمتقفش ضد الطيار". 

وصرح: "محمد رمضان ده ظاهرة لوحده، وأنا بشوفه إنه تخطى مقاييس النجاح كلها، وهو ذكي جدا وعرف يعمل لنفسه لون، وهما بيعيبوا عليه إنه بيضرب ويكسر، هو بيستعمل الوسيلة بتاعت دلوقتي، وأنا بقول عنه إنه فريد شوقي بتاع دلوقتي". 

وفاة حسن يوسف 

كشف شعبان سعيد محامي الفنان الراحل حسن يوسف عن تفاصيل الأيام الأخيرة في حياته وذلك قبل رحيله عن عالمنا منذ قليل عن عمر ناهز الـ 90 عام .

وقال شعبان سعيد في تصريحات خاصة لـ "مصر تايمز": "أستاذ حسن يوسف صحته كانت كويسة جدا بس طبعا بعد وفاة نجله يعني اتأثر نفسيا ولكن صحته كانت جيدة وربنا يرحمه". 

وأضاف: "والوفاة كانت طبيعية جدا وربنا يرحمه" . 

أحدثت وفاة الفنان القدير حسن يوسف حالة من الضجة وأثار حالة كبيرة من الحزن لدى جمهوره ومحبيه، ويعد الفنان حسن يوسف أحد أبرز نجوم السينما المصرية والدراما التليفزيونية على مدار سنوات طويلة، وكان الفنان الراحل قد كشف عن شرطه الوحيد للعودة للفن بعد فترة ابتعاد طويلة عن الساحة الفنية . 

جدير بالذكر، علق الفنان حسن يوسف، على إعتزاله الفن بعد تصريحات زوجته الفنانة المعتزلة شمس البارودي، موضحًا أن وفاة ابنه الراحل عبد الله أثرت عليه بشكل كبير.

وتابع حسن يوسف خلال مداخلة هاتفية في برنامج "تفاصيل"، للإعلامية نهال طايل والذي يعرض عبر فضائية "صدى البلد": "أنا الحمد لله بخير وكويس.. وبعد وفاة ابني الغالي عبد الله أخدت القرار فورا، لأن الوجع اللي جوايا وجع الإبن ربنا ما يكتبه على حد خلاني مقدرش أقدم أدوار اللي الناس أتعودت تشوفني فيها.. وأنا لسه جوايا الوجع ده".