الجوازة الرابعة.. لقطات من حفل زفاف المطرب محمود العسيلي على فتاة من خارج الوسط الفني

احتفل النجم محمود العسيلى بزفافه على فتاة من خارج الوسط الفني في حفل اقتصر على الأهل والأصدقاء، وذلك فى أحد الفنادق الكبرى، ويعد هذا الزواج المرة الرابعة له.

وتفاعل عدد كبير من النجوم ومتابعى الفنان محمود العسيلي مع صور حفل زفافه مقدمين له التهنئة على الزواج. 

وصرح من قبل الفنان محمود العسيلى، أنه لا يحب الحياة التقليدية في الزواج وفي حالة شعوره بالضيق يختار الابتعاد، قائلا: "أنا مش بعرف أعيش الحياة التقليدية يعنى لو مضايق بحاول أصلح العلاقة ولو احنا الاثنين مش مبسوطين يبقى أحسن قرار منكملش والعمر قصير".

محمود العسيلي: اتجوزت 3 مرات عشان عايز الاستقرار والعيلة.. وقررت الانفصال مرتين

وأضاف محمود العسيلي، أنه يحاول العيش في سعادة ولا يضغط نفسه، متابعا: "بحاول اعيش مبسوط ومرتاح وفي ناس بتفضل دايسة على نفسها في العلاقات الزوجية والشخصية وتعلمت أهم حاجة يكون الإنسان مرتاح ومبسوط ولو ده متحققش ليه ندوس على نفسنا".

وتابع: في ناس بتفضل تمثل على بعض في الجواز وأفضل حاجة نكون على طبيعتنا ولو الدنيا مش ماشية بيكون أفضل شيء البعد، وأنا حاليا متجوز والاستقرار حلو واتجوزت 3 مرات عشان عايز الاستقرار والعيلة ويكون معايا رفيقة في الحياة، والانفصال في المرتين أنا اللي قررت البعد ولم افقد الأمل في تصليح العلاقة بختار الابتعاد.

وكان الفنان محمود العسيلي، قد صرح من قبل إن الفن بحاجة إلى تجديد طوال الوقت حتى يستمر، مشيرًا إلى أن أغاني المهرجانات لم تعد مشهورة مثل السابق.

وأضاف : «الحاجات الحلوة في المهرجانات أنا بحبها جدا، لكن لو اللون مش حقيقي ومبني على الفرقعة اللحظية والتريند هيختفي».

وأشار إلى أن المهرجانات «لون مصري أصيل يمس الشارع بصورة كبيرة»، مشددًا على الحاجة للبحث عن أفكار مختلفة والتجديد للحفاظ على هذا الفن.

وأكمل: «لما قلت في مؤدي مهرجانات رقم واحد على كل المنصات معرفش هو بيغني إيه وابني بيحبه جدا وحافظ كل أغانيه، ده مكنش تقليلًا منه، الجيل الصغير كله بمختلف الطبقات بيسمعه ويسمع الناس اللي شبهه ومش بيسمعونا إحنا»، بحسب تعبيره.

ولفت إلى أن المختلف هو القادر على الاستمرار سواء في مجال الراب أو أغاني المهرجانات، معقبًا: «اللي هيعرف يكمل هو المختلف، مش الحاجة اللي هتفرقع شوية واللي مش جاية من جواك».

ويحيي كل من الفنان رامي صبري والفنان محمود العسيلي حفل غنائي سويا بمحافظة الإسكندرية في 7 أكتوبر المقبل وذلك ضمن حفلة تخرج دفعة إحدى الجامعات الخاصة بالإسكندرية . 

حفل رامي صبري ومحمود العسيلي بالإسكندرية 

كان رامي صبري قد روج للحفل من خلال نشره لبوستر الحفل على صفحته الرسمية عبر موقع تبادل الصور والفيديوهات "إنستجرام" وعلق قائلا : "أنا وصديقي الفنان عسيلي اللي بحب أغانيه جدا مع بعض في حفلة تخرج جامعة فاروس يوم 7/10/2024، علشان نقابل أحلى جمهور إسكندرية العظيم.. استنونا" .