خالد علي: شيريهان إنسانة بمعنى الكلمة

حل الفنان خالد علي الليلة ضيفا ببرنامج كلام الناس مع الإعلامية ياسمين عز على قناة MBC Masr حيث كشف خالد علي الكثير من التفاصيل والكواليس بحياته الشخصية . 

حلقة خالد علي بكلام الناس 

قال خالد علي : "شيريهان إنسانة بمعنى كلمة إنسانة، طيبة وحنونة وجدعة يعني جت قالتلي يا خالد أنا هعمل استعراض على أغنية بموت فيكي، ف أنا مصدقتش حقيقي وساعتها عزمت كل الملك فريد شوقي وكل الفنانين الكبار ورقصوا على الأغنية" . 

وفي سياق متصل، قال خالد علي : "أحمد زكي كان حبيبي وصديقي الصدوق كنا قاعدين مع بعض في أوتيل واحد على فكرة وقت لما كان بيعمل السادات، وإنسان راقي جدا وابن بلد جدا، وعلى فكرة هو من بلد أمي من الشرقية، وابن بلد وجدع وطيب جدا" . 

وأضاف : "أنا عمري ما أنسى وقت لما سمع ألبوم محتار خد السي دي، وجيه قابلني بعدها بـ 15 أو 20 يوم شخط فيا بحب وقالي إيه ده، أنا سمعتك مش بودني أنت فيك حاجة روحانية في صوتك يا خالد يا علي ولازم تاخد حقك وكأنه بيبشرني الله يرحمه" . 

وفي سياق متصل، قال خالد علي : "أنا مرة سافرت أوروبا وكلمني الموسيقار الله يرحمه حلمي بكر بيقولي أنت بتعمل إيه في أوروبا، وشخط فيا وقالي تعالى يا خالد أنت من ضمن 3 أو 4 هنا في مصر واوعى تسيب الساحة" . 

وأضاف : "عمري ما أنسى عمرو دياب ربنا يوفقه، وأنا بحب عمرو دياب جدا وبحب ذكاءه جدا يعني فن جميل ولكن محافظ، ووقتها عمرو دياب طلب من المنتج إنه عايز يسمع شريط محتار وسمعه، وأنا برضه سمعت ألبوم عمرو، وكان فيه منافسة جميلة بيننا كانت منافسة بحب" . 

وأوضح : "ف عمرو دياب طلب مني إني أبقى معاه في حفلة، وعملت معاه حفلة وكانت لفتة جميلة اوي من عمرو ودي حاجة مش قادر أنسهاله" . 

وفي سياق متصل، كشف خالد علي عن أسباب اعتزاله الغناء وعلق قائلا : "الناس قالت عني حاجات كتير يعني أقل حاجة كانت إني اتدروشت، واللي اتقال كان أكتر من إني اتدروشت واعتكفت وتدينت واعتزلت" . 

وأضاف : "الحقيقة إن أنا ساعتها كنت في فترة كدة في حياتي مكنتش عايز أرد، لإني كنت في فترة جميلة جدا وكنت في مرحلة كدة هي نقلة في حياتي مش الفنية بس والشخصية كمان، وكنت في مرحلة جميلة سافرت السعودية وعملت عمرة، والعمرة دي عملت معايا نقلة نفسية، رجعت وربنا أراد أعمل الألبوم بتاعي، وربنا أراد إن الألبوم يتعطل شوية علشان أعمل أغنية للرسول صل الله عليه وسلم، حتى بعد ما عملت الأغنية دي حسيت إن صوتي اتغير وحلي خالص" . 

وتابع : "وأنا قولت الاغنية بصدق وقولتها بحب طبعا، ف كل حاجة اتغيرت وحسيت إن أنا أتمهل في ألبومي ومستعجلش وأدقق في الكلمات أكتر، وميبقاش كل الكلام هيصة ورقص قد ما يفرق معايا إني أنقي الكلام اكتر، وكان المرحوم مجدي النجار ليه دور معايا كبير اوي وهو كان ليه دور مع عمرو دياب ومحمد فؤاد وعامر منيب، لكن اللي عمله معايا بصفة خاصة كان نقلة جامدة اوي" . 

وصرح : "في الفترة دي كلام الناس شغال وبكثرة، هو بس كان يمكن الكلام بيتكتب علشان غيابي والناس اللي ليها إنها تشوفك، ف أنت مبتظهرش، طب أنا ليا ظروفي وهقول أكيد، ف كنت كل مرة أحب أطلع وأقول، لحد بقى كلمة اتدروش دي بقى اللي بتقتلني، طب أنتوا أنتوا جيبتوا منين لفظ اتدروش"