ليست المرة الأولى.. رشا الجزار تتهم صناع مسلسل جت سليمة بسرقة الفكرة
أحدثت المؤلفة رشا الجزار حالة من الجدل خلال الساعات الماضية وذلك بعد اتهامها لهبة يسري مؤلفة ومخرجة فيلم الهوى سلطان بسرقة فكرة الفيلم .
رشا الجزار تتهم صناع مسلسل جت سليمة بسرقة الفكرة
كما تعد هذه ليست الأزمة الأولى لرشا الجزار وذلك عندما وجهت الاتهام لصناع مسلسل جت سليمة بطولة النجمة دنيا سمير غانم الذي عرض في السباق الرمضاني عام 2023 بسرقة فكرة المسلسل .
أزمة رشا الجزار مع صناع مسلسل جت سليمة
رشا الجزار، كانت رشا الجزار قد كتبت منشور في وقت سابق على صفحتها عبر موقع التواصل الاجتماعي "فيسبوك" وعلقت قائلة : "اول ما بوسترات مسلسل جت سليمة نزلت في فبراير الماضي، انا روحت مكتب السبكي اللي في شارع التحرير في الدقي، واللي قابلني هناك واتكلم معايا وشاف شهادة تسجيلي للملكية الفكرية وكمان صورها بتليفونه وبعدها اتصل بيا وقالي تقدري تكملي مشروعك بنفس الاسم والقانون يسمح مدام العملين واحد مسلسل والتاني فيلم، شخص اسمه (حامد صبحي) ودا كان بتاريخ 26 فبراير والكاميرات تثبت وسجل المكالمات يثبت.. ووقتها سكت لاني كنت مفكرة ان اسم العمل فقط هو اللي مسروق، وقولت خلاص هعمل ايه، حتي مكتبتش كلمه عن الموضوع وقتها، لغاية ما شوفت اول حلقة من المسلسل، واكتشفت ان مش مجرد اسم العمل فقط اللي متاخد مني" .
وأضافت رشا الجزار : "كان لازم اتكلم وانوه عن السرقة، لان مشروع فيلمي مهم على الاقل بالنسبالي، وشغل ومجهود سنتين من عمري، ومقدماه لشركات انتاج مصرية وغير مصرية، وكنت منتظرة رد شركة منهم بعد العيد، فكان لازم اعلن عن السرقة العمد اللي متاخدة من مشروعي، واقف ضدها عشان ميجيش حد يقولي ان انا اللي واخده من المسلسل، لان الحقيقة ان المسلسل هو اللي سارق مني ويارتهم عرفوا يوظفوا اللي سرقوه حلو، لكنه مقحم بشكل غير مبرر دراميا في مسلسلهم، وعشان ان مصممه اكمل شغل على مشروعي لغاية ما يطلع ويشوف النور، لانه عمل فني ابداعي اصيل ويستاهل احارب عشانه، وساعتها الحكم للجمهور والنقاد" .
أزمة مؤلفة الهوى سلطان ورشا الجزار
علقت هبة يسري مؤلفة ومخرجة فيلم الهوى سلطان على اتهامات المؤلفة رشا الجزار بسرقة فكرة الفيلم وأثار هذا الاتهام حالة من الجدل عبر وسائل التواصل الاجتماعي خلال الساعات الماضية .
وحرصت هبة يسري على الرد على هذه الاتهامات والدفاع عن نفسها من خلال منشور كتبته على صفحتها الرسمية عبر موقع التواصل الاجتماعي "فيسبوك" .
تعليق مؤلفة الهوى سلطان على سرقة فكرة الفيلم
وعلقت هبة يسري قائلة : "طب قسمآ بالله و ورحمة أبويا في تربتة أنا ما أعرف رشا الجزار دي ولا قريت اي ورق و الفيلم ده فكرته عندي من تانيه معهد سنيما و في نسخ منه مكتوبه من زمان جدا و عند ماريان خوري في المكتب و لو لسه الأفكار موجوده هتبقي في المعهد و اتطورت علي مدار سنين و بجد ده ظلم بين و محاوله لسرقة فرحتنا بالفيلم غير مسموح بيها تماما ..و دول اللي باقي من الورق قبل ما ارمي كم الورق اللي كتبته علي مدار سنين وعموما اللي شاف سابع جار و شاف الفيلم ممكن يقارن هاتوا خبير خطوط بقي و لا جهاز كشف الكدب" .
رشا الجزار تتهم مؤلفة الهوى سلطان بسرقة فكرة الفيلم
جدير بالذكر، أثارت المؤلفة رشا عزت الجزار حالة من الجدل خلال الساعات الماضية وذلك عندما اتهمت صناع فيلم الهوى سلطان وعلى رأسهم المؤلفة والمخرجة هبة يسري بسرقة فكرة الفيلم .
أحدثت رشا هذه الضجة عبر وسائل التواصل الاجتماعي من خلال منشور كتبته على صفحتها الرسمية عبر موقع التواصل الاجتماعي "فيسبوك" .
أزمة فيلم الهوى سلطان
وعلقت رشا قائلة : "في سبتمبر عام 2017 قمت بكتابة معالجة فيلم روائي طويل بعنوان (حبي الاول)، ودا كان أسم مؤقت للفيلم، ومثبت عندي على الايميلات والواتس آب بالتواريخ المراسلات للمخرجين والمنتجين في رحلة البحث عن إنتاج من حينها وحتي اشهر قريبة" .
وأضافت : "وكان المورال بتاعي، ان الحب ممكن يكون قريب منك جدا وانت مش شايفة ولا واخد بالك منه لانك مسميه اي أسم تاني (صداقة، عشرة، جيره، اخوه ... الخ)، مش شايفة مع انه ممكن يبقي قريب منك جدا، ودا لانك ملبسه امبرله مختلفة في المسمي"
استغاثة رشا الجزار
وتابعت : "يوم الخميس 7 نوفمبر الحالي، دخلت السينما عشان اشوف فيلم (الهوي سلطان)، ودا لاني بنتظر اي فيلم جديد ينزل السينما وبجري عشان اشوفه، وكنت متحمسه جدا لاني بحب منة شلبي وبشوف كل اعمالها"
وأوضحت : "اتفاجئت ان قصة الفيلم كامله (باكد تاني كامله) مسروقة من قصة فيلمي (حبي الاول)، بكل التفاصيل.. مع اختلاف اللوكيشن والحوار، عندي في قصتي كنت مسكنه البطل والبطلة في نفس العمارة في شقتين فوق بعض" .
سرقة فكرة فيلم الهوى سلطان
وأكملت :"بدون مبالغة لو ذكرت التفاصيل اللي عندي في قصتي واوجه التطابق بنها وبين اللي شوفته في فيلم الهوي سلطان، التطابق هيتجاوز ال 70%"
وأضافت : "الفكرة والقصة وكل الاحداث الرئيسية بتفاصيل ما سيحدث مع الابطال مسروقين من قصتي (حبي الاولي)
حاولت على مدار يومين اتواصل مع مؤلفة ومخرجت فيلم (الهوي سلطان)، لكنها لم ترد على تليفوناتي، مع اني بعتلها رسالة على الواتس وعرفتها بنفسي وطلبت اني اكلمها ضروري، ورجعت بعدها اتصلت بيها تاني مرتين ولم ترد" .
