رسالة مؤثرة من فتاة عراقية انتهت إقامتها فى مصر: حسيت بالاستقرار فيها وأكيد فى يوم من الأيام هرجع
نشرت فتاة عراقية تدعى راية العبيدى ، رسالة مؤثرة عن مصر بعد انتهاء فترة إقامتها ، قائلة عبر حسابها الشخصي على موقع التواصل الاجتماعي ،" انتهت قصتي في مصر ديه آخر صورة ليا وانا بعمل آخر اقامة في مصر ١٢/٢٠٢٣ واليوم اقامتي في مصر انتهت ممكن يوم من الايام ارجع ممكن لا محدش يعرف غير الله ربنا عارف الخطة هتمشي ازاي بس أنا واثقة في ربنا".
وتابعت ،" الصورة ديه آخر اجراءات الاقامة مكنتش اعرف ديه آخر مرة بس أنا بشكر مصر على ٢٠ سنة عشت فيها اجمل فترة وذكريات حلوة صحابي وأخواتي أنا بحبكم اوي واكيد هجي قريب وكلكم غاليين عليا بشكر كل شخص ان حاول كتير يسهل عليا ورقي والإقامة بس هو ده الواقع .. الجنسية بتاعتي مش سهلة ..عانيت كتير وتعبت كتير اوي واتبهدلت كتير في الورق بعد وفاة جدتي بالذات بس كل سنة سبحان الله ربنا بييسرها"
واستكملت الفتاة رسالتها المؤثرة قائلة ،" كده اقامتي في مصر خلصت خلاص .. باذن الله يارب ارجع يوم من الايام اقوى وأفضل واحقق احلامي كمان في مصر مصر هي تعتبر بلدي آللي كبرت فيها مصر اللي اي حد بيشوفني هنا بيقولي مصرية وانا فخورة اني عراقية وكمان عشت حياتي كلها في مصربس بجد بشكر كل حد حاول كتير ان اكون دايما احس باستقرار في مصر أنا بحبكم واكيد يوم من الايام هرجع قريب ان شاء الله ..خليني أحكيلكم حاجة أنا حصل معايا ابتلاء صعب جدا وفترة الأخيرة في مصر كان وضع مادي وحتى مازال الان الحمدلله على كل حال مش كويس بس إن وضع سيء "
وقالت ،" تعرضت لغدر من اقرب الناس لدرجة مكنتش عارفة اجدد اقامتي واجيب فلوسها منين بس سبحان الله ربنا مش بيقفلها على الناس اللي قلبها نظيف وصافي وبيكرم دايما خليكم متأكدين و واثقين ربنا دايما كريم وبيكرم اللي بيتعب ويسعى وانا سعيت جداً حرفيا والحمدلله اه ببتدي توا من الصفر ووضع في الاول هنا صعب بجد بس ربنا هيكرمني"
