"ناس لما تنجح تتعامل بنرجسية".. أول رد لـ"كزبرة" على سخرية "نمبر وان"
حرص المطرب كزبرة على الرد على الفنان محمد رمضان بعدما سخر الأخير من الأول خلال الساعات الماضية عند سؤاله عنه.
وأحدث تعليق الفنان محمد رمضان ضجة كبيرة على وسائل التواصل الاجتماعي؛ خلال الساعات القليلة الماضية، الأمر الذي أثار غضب المطرب كزبرة ودفعه للخروج عن صمته للرد على سخرية "نمبر وان" الذي تنال منه.
رد كزبرة على محمد رمضان
ورد كزبرة خلال منشور لها عبر ستوري الخاصة به على صفحته الرسمية بموقع تبادل الصور والفيديوهات الشهير "إنستجرام"، قائلا: "والله يا جماعة الكلام ده نفسي أقوله من بدري بس حاسس إن ده وقته، أنا مش عارف ليه كل لما انجح في ناس تحاول تطلع صورتي وحشة أنا بجد نفسيا مبقتش قادر وبقالي فترة كبيرة كل ما أعمل حاجة حلوة مبقتش عارف اتبسط بيها ونفسيا مش أحسن حاجة".
وأضاف: "ربنا اللي عالم الواحد كل اللي يهمه انه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية على أساس أنه شخص تافه مش موهوب والواحد عشان يتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته الي يحبوه .. زي إن يتنسب لي كلام مقلتهوش أو يتقلل مني بحاجات قديمة عملتها".
وتابع: "أحيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم أنا مش عارف ليه وده السبب اللي يخلي إنسان طيب أول ما ينجح يتحول لإنسان عنده نقص وعنده حرب مع كل اللي حواليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع فأنا يا جماعة مش عايز أوصل للمرحلة دي أنا عايز أبقي إنسان طيب وفي حالي واشتغل على نفسي وأقدم لكم فن يعجبكم ويبسطكم هو ده هدفي فبلاش تتعاملوا مع الواحد بأسلوب هو مش حبه وشكرا لكل واحد بيدعمني من قلبه واي حد بيحب اللي بقدمه أو حتى بينتقده بأسلوب كويس أنتم اللي تهموني".
