«كان سبب فسخ خطوبتي».. بدء محاكمة قاتل صديقه في البراجيل (صور وفيديو)
بدأت منذ قليل محكمة جنايات الجيزة؛ محاكمة المتهم بقتل صديقه بسبب اعتقاده أنه سبب في فسخ خطبته من فتاة وقيام صديقه بالتقدم لخطبة خطيبته السابقة.
محاكمة قاتل صديقه في البراجيل
وقال المتهم بقتل صديقه في الجيزة: بعد ما اتخانقنا قام سب لي وشتمني بأبويا وأمي رديت عليه الشتيمة علطول وسبتله قام هو واقف بالمكنة بتاعتي ونزل منها نزلت وراه لقيته بيشتمني تاني قمت قايله أنا اتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض ومن قوة مسكتي ليه وهو برضه ماسك فيا من هدومي، وقع على الحجر بوشه وأنا وقعت فوق منه بس وشي لضهره قمت عدلته على ظهره لقيت وشه كله جاب دم وبالذات من مناخيره والحجر اللي وقع عليه لقيته برضه فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغاية ما الحجر بقى فوق صدر سيد.
وأحالت النيابة العامة القضية رقم 8584 لسنة 2024 جنايات أوسيم والمقيدة برقم 2432 لسنة 2023 كلي شمال الجيزة، إلى محكمة الجنايات، والمتهم فيها عامل بقتل صديقه ويدعى " سيد ب" وذلك اعتقادًا منه بأن المجني عليه تسبب في فسخ خطبته.
واعترف المتهم بارتكاب الواقعة وتولت النيابة العامة التحقيقات ووجهت للمتهم قتل المجني عليه عمدًا مع سبق الإصرار وسرقة منقولاته الشخصية وإتلاف هاتفه المحمول واستخدام أدوات الجريمة المتمثلة في" قطعة قماشية وحجر"، وأمرت بحبسه على ذمة التحقيقات.
وأمرت النيابة بتشريح جثة المجني عليه لبيان سبب الوفاة، وصرحت بالدفن عقب ذلك، وطلبت تحريات المباحث حول الواقعة للوقوف على ظروفها وملابساتها، وعقب الإنتهاء من التحقيقات أمرت بإحالة المتهم لمحكمة الجنايات.
بدء محاكمة قاتل صديقه في البراجيل
