الشاعر تامر حسين لـ "عمرو دياب": "أنت في حتة تانية وتالتة"
عبر الشاعر تامر حسين، عن سعادته بحضور حفلة صديقه الفنان عمرو دياب، الذي أقيم في ستاد دبي مؤخرًا، ضمن مهرجان دبي للتسوق بالمدينة الرياضية.
ونشر تامر حسين، صورة تجمعه مع الهضبة في الحفل ، عبر حسابه الشخصي بموقع التواصل الاجتماعي "فيس بوك"، وعلق عليها قائلًا: "ليه عمرو دياب في حتة تانية وتالتة عندي على الأقل.. بأخلاقه قبل فنه، وأبسط الأمثلة حفلة امبارح، الراجل قدمنا وقدم لنا التحية أنا وعزيز الشافعي كعادته وبذوقه المعروف وخرجنا".
أردف : "اشتغلت "اتعلموا" وشافني باك ستيدج ندهلي تاني، وقالهم هو اللي عامل الأغنية دي، مش عايز حتى يروح مني كريديت إن الناس تعرف إن الأغنية دي بتاعتي، واداني المايك لتاني مرة بعد ما غنيت "قدام مرايتها" عشان أغني الكوبليه "يتعلموا ويقلدوا"، وواقف بيسقف، وكفاية فرحته اللي باينة في عينه بناسه وفريق عمله".
أختتم حديثه "اللي بيعمله عمرو دياب حقيقي قليل ونادر جدا وعايز فنان سوي نفسيا وواثق من نفسه، يمكن التفاصيل دي تبان بسيطة لكن ليها ألف معنى عند أي صانع لما بيحس بمنتهى التقدير وإنه مهم بالنسبة للمطرب اللي بيشتغل معاه نفسيا وأدبيا ومعنويا".
