تامر حسني: أنا ههريكوا حب في عيد الحب

أعلن النجم تامر حسني عن حفلاته المقبلة في عيد الحب المقبل الموافق 14 فبراير 2025، وذلك في جامعتي عين شمس و حلوان.

ونشر المطرب تامر حسني الملصق الدعائي للحفلين عبر حساباته الرسمية على مواقع التواصل الاجتماعي معلقاً عليها: "جامعة عين شمس، وجامعة حلوان… حبايب قلبي، إن شاء الله منتظركم يوم 14 فبراير المقبل، في يوم الحب، أنا ههريكوا حب".

على صعيد أخر أعرب النجم تامر حسني عن فخره بإنجازات جراح القلب العالمي الدكتور مجدي يعقوب، مشيرًا إلى أحدث ابتكاراته الطبية المتمثلة في تطوير صمامات قلب حية يمكن زراعتها داخل جسم الإنسان.

تامر حسني يشيد بالدكتور مجدي يعقوب
 

ونشر تامر صورة مجدي يعقوب عبر صفحته الرسمية "فيس بوك" وعلق " للي ميعرفش أولاً .. و أنا طفل كان عندنا درس في العربي اسمه مجدي يعقوب  عشان كان أول طبيب في العالم يعمل عملية زرع قلب وكانت تقريباً سنة 1980 يعني الراجل ده أسطورة في عالم الطب من سنين كتيره مش من دلوقتي.

وتابع: "هذا الرجل الملاك وهب كل حياته لخدمة البشرية  عارفين يعني إيه كل حياته لحظه بلحظه لخدمة البشرية لخدمة ولادنا  لخدمة الإنسانية  لخدمة الطب و كل دكاترة المستقبل". 

وأضاف" النهارده دكتور مجدي يعقوب بيحقق كمان إعجاز طبي جديد بعد ٤٥ سنة من أول إنجاز يعني بصراحه الراجل ده أعظم رمز في العالم  للنجاح و فضل ينجح و يتحدى نفسه لحد ما حقق معجزة طبيه مفيش ولا دكتور في العالم عملها  إلا دكتورنا المصري العربي".

وأختتم: "حاجه تشرف أوي حاجه عظيمه اوى الراجل ده لازم يبقى في شوارع و ميادين بإسُمه لازم يبقى ليه تمثال لازم يتعمله أكبر تكريم إنساني في تاريخ مصر و العالم  كل الشرف و الفخر بأنك مصري عربي".