شوبير: الكل لازم يشجع الأهلي في المونديال واللى مش عايز يداري

ناشد الإعلامي أحمد شوبير، جماهير الكرة لمصرية بتشجيع الأهلي ومساندته في بطولة كأس العالم للأندية بقطر، والتي ستنطلق في شهر فبراير المقبل.

وقال أحمد شوبير في تصريحات إذاعية عبر برنامجه الإذاعي "ساعة مع شوبير" على إذاعة "أون سبورت إف إم": " الأهلي أجرى مسحة لمباراة بيراميدز ونتائجها مبشرة ولكن سيجرى مسحة آخرى يوم 27 يناير استعداداً للسفر لكأس العالم بقطر".

وأضاف: "الأهلى هياخد كل اللاعيبة معاه ورفض الإعلان عن المستبعدين خوفاً من الحاجة إليهم هناك ، وليد سليمان وناصر ماهر ورامى ربيعة ومحمود وحيد كلهم هيسافروا مع الأهلى".

وتابع: "وبقول لازم المصريين يساندوا الأهلي ويشجعوه فى المونديال واللى مش عايز وعايز يشجع الدحيل القطرى يدارى بس ، مش عايزين أكثر من كدا ، وبقول الكلام ده لو العكس لو الزمالك مكان الأهلى بردو".

وأردف شوبير: "الأهلي عامل سياسة جديدة وهى تمديد عقود أى لاعب يتبقى فى عقده موسمين والنادى محتاجه، يعنى أحمد ياسر ريان قبل الإعارة لسيراميكا مدد عقده، وديانج اللى ممكن يلعب فى أى حتة فى أوروبا مدد عقده، وحمدى فتحى اللى الناس قالوا هيروح بيراميدز فى اجتهاد غير برىء مدد عقده، وعمرو السولية مدد عقده، وكوكا ومصطفى شوبير هيجددوا، وكل اللاعيبة الشباب اللى النادى محتاجهم هيمددوا عقودهم".

وواصل: "الأهلى أنهى اجراءات ضم العش مدافع مالية كفر الزيات واللاعب أجرى الكشف الطبى ولكن موسيمانى قال لازم نختبره مع فريق الشباب وهيتم اختباره وحسب رأى موسيمانى سيتم البت فى الصفقة".

ويواجه الفريق الكروي الأول بالنادي الأهلي نظيره بيراميدز غدًا الثلاثاء في الساعة السابعة والنصف مساءً على ستاد الدفاع الجوي ضمن منافسات الجولة الـ10 من بطولة الدوري الممتاز.