ماجد الكدواني عن صداقته بكريم عبد العزيز: "بيفتكرونا مرتبطين"
الإثنين 01/فبراير/2021 - 11:02 ص
عبر الفنان ماجد الكداونى، عن حبه لزميله النجم كريم عبد العزيز، خاصة أن الصداقة التى تجمعه بكريم أكثر من 20 عاما.
وقال ماجد الكداوني خلال لقائه فى برنامج "سهرانين" الذي يقدمه الفنان أمير كرارة، "بتعلم من كريم كتير أوي، دايما ما بينا فضفضة، من الناس القليلين اللي مرتاح وأنت تتكلم معاه، حاسس بأمان وأنت بتتكلم معاه، لا يمكن يمثل أو يضحك عليك، كله من قلبه، وعضلته الملتهمة إحساسه، لذلك هو ممثل مختلف، رهيب، ومهما قولت مش هوفيه حقه"، وتابع ساخرا: "دايما بيطلعوا علينا إشاعات، وبيقولوا هو أنتوا مرتبطين؟؟".
وأضاف "الكدواني"، "كريم ميعرفش يتكلم إلا من قلبه، وبالتالي ميعرفش يستقبل أي حاجة، والمعاملة معاه لازم تكون بحساب أوي، وطبيعية في نفس الوقت، من قدر حساسيته يفقس اللي قدامه بسرعة، ذكي جدا، لذلك متعرفش تتعامل معاه، غير لما تكون من قلبك، ينطبق عليه جملة: (ما يصدر من القلب يصل للقلب، ومالا يصدر من القلب لا يصل حتى للآذان)، وكريم عشرة عمر بجد".
وأوصل: "لما تقابله أول مرة تحس أنك عارفه من 20 سنة، أنا أعرفه بقالي 20 سنة بجد، ومش ببالغ أو بجامل، بس كريم بأمانة ربنا، تركيبة ساحرة جدا، مفيش حد يفهمه، وحساس أوي، وعنده كم من المصداقية رهيبة، وميعرفش يقول كلمة غير من قلبه".
