مواجهة بين سكان عمارات كورنيش ماسبيرو ومدير صندوق تطوير العشوائيات

 تابعت : " حيث  من المفترض أن تزال على مراحل وفقاً للقرار ومثل ذلك  صدمة كبيرة   لنا خاصة أن بعض هذه العمارات تم بنائها بطراز مميز جداً  لمقاولين  مشهورين في وقت بنائها فالعمارة التي اقطن  بها وتقع مجاورة   لمبنى ماسبيرو  تم بناؤها على الطراز الانجليزي وبقية العمارات  على نفس الشاكلة ".

 أردفت : " هذه العمارات   شكلها ليس سيء  كما قيل وتردد ممكن تكون محتاجة ترميم  وإحنا محتاجين يتعمل فيها زي ماحصل لعمارات ميدان التحرير واصبحت ذات شكل متناسق    ونحن عمارتنا ليست مثلها في القدم  والتاريخ لكن لها طراز مميز  وموجودة منذ الخمسنيات   من قبل بناء عمارة " ماسبيرو " . مش ذنبا إن المشروع بتاع التطوير عاوز يخلي  العمارات   مطلة على النيل وده لايتحقق إلا بإزالة عمارتنا  .

أكملت : " إحنا متمسكين  ببيوتنا  فيها تاريخنا   وحياتنا   مش معقول فجأة  حده يقلنا إطلعوا بره وهنعوضكم ؟  ممتلكات البشر لاتقدر  بالثمن المادي   بقدر  ماتقدر  بالقيمة الانسانية   .. ماحدش عبرنا على مدار ثلاث  سنوات   بنسمع بس  إن عمارتنا هتتهد  ده تدمير نفسي   إحنا  نشأنا فيها   وإتجوزنا وخلفنا وفيه أحفاد إتجوزوا فيها "..

وحول وجود  فكرة التعويض المناسب مادياً ونقله إلى وحدة أخرى قالت : " ماعتقدش  حد هيوافق على حاجة زي دي مش  ممكن   نسيب النعمة  الي إحنا فيها  ونروح حتة تانية  والشق الثاني  إحنا مواطنين   مصريين  وعندنا كرامة ويقطنها أطباء ومهندسين وسفراء  وفجأة يقلولنا  إتفضلوا إمشوا وهنعوضكم  "

من جانبه قال  محمد إداريس   أحد ملاك عمارات ماسبيرو المطلة على الكورنيش أن وجه إعتراضه    لفكرة  إزاله العقار الذي يقطنه ضمن  خطة تطوير مثلث   ماسبيرو  تعود لان أحداً لم يتواصل  معهم من الجهات القائمة ولم يتحاور معهم حول الامر  على مدار ثلاث سنوات وأن كل مايعلموه حول الامر فقط  عبر   المخططات الاستثمارية  للبقعة الكائن بها العقارات .

 تابع قائلا: " إحنا ملكية خاصة تحترم بموجب   القانون والدستور.. نحن لسنا ضد التطوير  يقلولنا ونشارك معهم بتطوير واجهات العمارات  بس مش بالطريقة دي ؟ البلد فيها تطوير ونهضة كبيرة نحب  نشارك فيها بس  بدون نزع ملكياتنا الخاصة  عقارتنا في النهاية ليست منفعة عامة دي  بيوتنا وأرضنا    ويتم أخذها الان بدعوى " التطوير "  .

وتابع    في مداخلة هاتفية عبر برنامج " كلمة أخيرة  " الذي تقدمه الاعلامية لميس الحديدي على شاشة " ON" قائلاً:  "العمارات بتاعتنا تحتاج لتطوير  في شكلها  ممكن نشارك في التطوير في إطار مشروع التطوير عبر تغيير الواجهات لكن ماينفعش  تتشال وتتهد بجرة " قلم " .

وواصل : " كفاية   إننا بنعاني   من قصة " الايجار القديم " المجحفة  الي بتخلي   المستأجر القديم يدفعلنا ملاليم ومش عاوز   يتعدل لحد الان  وبعدين فجأة نلاقي  طرد ونزع ملكية  ".

 وأكمل : " الفترة الماضية  المنطقة بتشهد إزعاج وضوضاء بسبب إستمرار عمل المشروع  لمدة 24 ساعة  ليل ونهار بالاضافة لقطع  الكهرباء على مدار اليومين الماضيين بسبب   تغيير  مسارات  الكابلات  وفضلت قاطعة قترة طويلة ".

 من جانبه عقب المهندس  خالد صديق المدير التنفيذي لصندوق تطوير العشوائيات على شكاوى سكان المنطقة قائلا  : " كل هذا الكلام يتررد فقط على السوشيال ميديا صحيح المباني  دخلت في المخطط الخاصة بالازالة  لكن السؤال   هل قرار الازالة صدر بالفعل   بشكل منفرد دون التواصل معهم ؟ لا  ماحصلش   فيه عمارات زي ماسبيرو  والخارجية .

 دوالقنصلية الايطالية تم إستئثنائهم من المخطط  ولكن حتى الان لم يتم إتخاذ قرار بشكل منفرد عشان تطلع   الناس تقول هذا الكلام     

وتابع    في مداخلة هاتفية عبر برنامج " كلمة أخيرة  " الذي تقدمه الاعلامية لميس الحديدي على شاشة " ON" قائلاً:  مافيش قرار طلع للازالة دون حوار مجتمعي حتى الان.

 وشدد أن المخطط حتى الان   لم يتغير والعمارات ضمن  مخطط الازالة  لكن تطبيق القرار   لم يتم  ولن يتم دون حوار مجتمعي ".

مكملاً : " القرار بتاع  الشكل  الخاص بالازالة والتعويض ومين هيروح فين  لسه ماتمش  مش فاهم الناس بتتكلم وتقول هيطلعونا إزاي ؟  وبقلهم أنت لسه ماعرفتش هتاخد إيه مقابل ذلك ؟  المالك مثلاً هياخد تعويض بنفس القيمة الاستثمارية للعمارة التي يقطن بها  وهي شقق تساوي ملايين .

 وعقب أحد الملاك محمد إدريس قائلاً  :  أنا ساكن في مكاني يابش مهندس مش عاوز أغير ليرد صديق  قائئلا : " يافندم إنت ساكن في شقة قيمتها الاستثمارية تساوي ملايين صح ولا ؟ وبالتالي لما أجي أنقلك هنقلك في وحدة سكنية تساوي ملايين  تعادل قيمة العقار الذي تقطن فيه  مش هعاملك كشقة عادية تساوي 100 ألف أو  مليون حتى  وهنقلك   لنفس المكان المساوي  لقيمة عقارم  ولن نجحف   حقك   خالص ".

ليرد  إديس قائلاً : مش كل حاجة ماديات أنا متربط بمكاني  ومش فارق التعويض عاوز بيتي بس ومش عايز اي تعويض   وده رأي جميع الملاك والسكان.. ودورنا عليكم عشان تعدوا معانا طول الفترة الي فاتت ماحدش قعد معانا  ".

وعقب صديق قائلاً : " مشروع تطوير ماسبيرو مش هو المشروع الوحيد الي شغالين فيه فقط إحنا شغالين في رؤية شاملة  ".

 وأتم قائلاً :   "  سواء كنت مالك شقة أو مستأجر أو دور أرضي أو عقار بأكمله لن يتم نقلك  إلا في مكان أفضل  حال من الي إنت ساكن فيه .. وحقكم مكفول   بموجب القانون والدستور ".