توك شو

كرم الشراقوة.. مضيف طيران عزم ركاب طائرة كاملة

سيف الدين أدهم

الأحد 07/مارس/2021 - 12:05 م

قال الكابتن محمد عكر مضيف طيران، إنه في أحد الأيام منذ حوالي سنة تقريبا كان لديه رحلة من المدينة المنورة إلى القاهرة، موضحًا: "كان أغلب شغلنا في الوقت ده حج وعمرة قبل أزمة فيروس كورونا، وأثناء الرحلة لما كنت بستقبل الناس اللي طالعين على الطائرة عادتي أني بهزر مع الناس اللي طالعة وخصوصا لو كانت رحلات مصر وأعرف هما منين".

وأضاف عكر، خلال مداخلة عبر تطبيق زووم، مع الإعلامي محمد الشاذلي والإعلامية هدير أبو زيد، في برنامج "صباح الخير يا مصر"، الذي يعرضعلى الفضائية المصرية والقناة الأولى، أنه علم منهم أن 75ثلاثة أرباعهم من محافظة الشرقية، وهو ما أسعده وجعله يريد تقديم أي خدمة لهم.

وتابع: "بعد ما أقلعت الرحلة عرفتهم بنفسي ولت لهم إنني من محافظة الشرقية وقلت لهم أي إنني سأنفذ أي طلب يطلبونه مني .. وكنت محتاج أني أعمل اللي فوق العادي معاهم، وبالفعل عزمت كل الطائرة مش الشراقوة بس كان في ناس من الإسكندرية والقاهرة".

وأردف: "الرحلة كانت قوية جدا واتصورت مع الناس وأخدت أرقام ناس كتير جدا، العزومة كان أي شخص بيطلب حاجة كان بياخدها هو والناس كلها، وبنسبة كبيرة الطائرة كلها أخدت كل حاجة هما احتاجوها".

وواصل: " في العادي أن أشيل الشنط للناس دي مش من مهام شغلي، لكن عملت ده وساعدت الناس وكنت بتعامل معاهم بطريقة كويسة جدا لأن هما دايما وخصوصا كبار السن بيبقوا داخلين وفاكرين أن الناس اللي لابسة بدل دول هيتعاملوا معاهم بطريقة مش كويسة، لكن لما شافوا أني بهزر معاهم بدأنا نتصور ونهزر وكانوا مبسوطين للغاية، ومن آخر الطائرة كنت بسمع الناس بتدعيلي".