إصابة محمد رمضان بعد انفجار قنبلة داخل لوكيشن تصوير (فيديو)
أصيب الفنان محمد رمضان خلال تصويره أحد الأعمال الفنية له ، بعد انفجار قنبلة حقيقية داخل لوكيشن التصوير والتى من المفترض ان تكون قنبلة صوت يتم الاستعانة بها داخل التصوير ، ونشر " رمضان" فيديو له بعد اصابته
وكانت حالة من الغضب سادت على السوشيال ميديا ، بعد تداول أقارب الفنان الشاب يوسف عمر ، صور لانفجار قنبلة حقيقية خلال تصوير أحد الاعلانات للفنان محمد رمضان ، نتج عنها اصابته بحروق من الدرجة الأولى.
وقالت آية سعيد شعيب شقيقه الفنان الشاب يوسف عمر،" اخويا يوسف ربنا نجاه من الموت امبارح.. في تصوير اعلان لمحمد رمضان انفجرت فيه قنبلة حقيقية .. وخبير المفرقعات ال بيشتغل مع رمضان اسمه عصام الوريث.. اللى المفروض جزء من وظيفته الحفاظ علي حياة الناس اللى بيشتغل معاهم ..قاله ديه قنبلة صوت ومطلعتش كدة .. ومفكرش حتي يلبسه حاجة تحميه او ينبهه او يعدل مكان وقفته".
وتابعت "منغير سابق انذار ومنغير اي احتياطات تحافظ علي جسمه وعلي حياته هو و ال حواليه .. انفجرت القنبلة تحت رجله ..والنتيجة حروق من الدرجة الأولي في رجله كلها ..والتهاب في جدار الخصيتين ..وعمره كان هيضيع والخصيتين كانوا هينفجروا لولا ستر ربنا .. وانه وطي ورجع لورا علي اخر لحظة .. واستاذ عصام كان شايف ان يوسف مأفور وان فيه ايه يعني ال حصل دة انت مثلت مع رمضان دة انت.. دخلت التاريخ
وقالت
آيه فى منشورها "استاذ اشرف زكي مشكورا ماسبهوش لحظة ومتابع معانا كل
التفاصيل ..فيه تقرير طبي وفيه محضر وكدة كدة حقه مش هنسيبه ..والبوست هيفضل
مفتوح للتعديل وعشان نزود كل تفصيله في القصة دي ..ال عنوانها الإهمال والا مبالاه
والفشل ..والناس ال فاكرة انها ممكن تعمل اي حاجة وتعدي بيها عادي عشان
مسنودين".
