لميس الحديدى: سيدة مركز السلام سقطت ضحية من تجرأوا على القانون لجهلهم
السبت 13/مارس/2021 - 11:58 م
علقت الاعلامية لميس الحديدي على واقعة سيدة مدينة السلام قائلة : " سقطت أو أسقطت الطبيبة من الطابق السادس من منزلها لانها كانت ضحية لجيران وناس تخيلوا أنهم الامرين بالمعروف والناهين عن المنكر وأنهم ممثلين الله على الارض تابعت عبر برنامجها " كلمة أخيرة " المذاع على شاشة " ON" قائلة : " تخيلوا أنهم حماة الشرع والدستور وأنهم حاملين راية الفضيلة دون تحقق أو أي شيء ".
وتابعت : " الطبيبة مقيمة بمنزلها وجاء لها زيارة من طبيب أو محامي أو أي شخص اي حاجة أول حاجة جت في بال الجيران وصاحب العمارة والبواب أن دي ست عايشة لوحدها وبيجيلها راجل " مصيبة " قرروا يدخلوا عليها حماية للمجتمع كما يتخيلون إقتحموا شقتها بالقوة ودخلوا على الست وضيفها وضربوه ضرب مبرح وضربوها ولحد دلوقتي مش عارفين هما رموها من الدور السادس ولا هي أنتحرت من الرعب وجهات التحقيقات منوط بها تحديد كيفية الوفاة ".
أتمت : " ست سقطت من الدور السادس بكامل ملابسها بهدوم خروج مش لابسة بيجامة وقرروا يموتوها رعباً أو إسقاطاً لها عمداً .. مشهد صعب جداً اياً كانت طريقة الوفاة في النهاية ماتت مقتولة أو قفزت رعباً هي في النهاية قتنلت بسبب جهلهم وتجرأهم على القانون والناس مش عارفة تعيش بأمان ..سلطات إنفاذ القانون لما بتيجي تقبض على حد مش بتعمل كده غير بإذن من النيابة لكن دول قرروا يسلبوها حقها في أن تعيش في أمان "
