"خلال بث مباشر".. طبيب صيدلي يستغيث بالجهات الأمنية: "مستقبلنا هيضيع بسبب بلطجي وتاجر بودرة" (فيديو)

وبدأ الطبيب حديثه مطالبًا الجهات الأمنية بسرعة القبض على ذلك البلطجي، حيث قال: إن المدعو "محمد رضا" لا يعمل سوا بلطجي كما إنه يبيع المخدرات "البودرة"، مشيرًا في حديثه أن جميع أهالي السنبلاوين يعلمون بأنه يقوم ببيع المواد المخدرة، وأنه سبق القبض عليه.

وأضاف قائلًا: "أنا المفروض إني أتحول لبلطجي، اسيب تعليمي ومهنتي واتحول لبلطجي طالما بقى البلد كلها هتبقى تجار مخدرات وبودرة وماشيين يأذوا في خلق الله الواحد يتحول بلطجي.. دلوقتي أنا بجهز في الصيدلية بتاعتي ووالدي قاعد قدام البيت وفيه تاجر بودرة معدي قدام الصيدلية وكان متسرب ليه قبل كده فيديوهات إنه بيبيع بودرة ومدمر نص شباب البلد وبعدين اختفى فترة ورجع تاني قال أنا توبت إلى الله.. وكان والدي في الفترة دي بيعمل مشاركات للفيديوهات ومبسوط أنه بيتسرب ليه فيديوهات علشات خاطر البلد تنضف.. ف تاجر البودرة ده عرف أن والدي كان بيعمل مشاركة للفيديوهات دي.. فعدى من قدام الصيدلية وتف على أبويا.. وكان هيحصل مشكلة والموضوع اتلم".

واستكمل: "المشكلة إن الشخص ده غدار وييجي عند البيت ويجيب سلاح يتخانق معانا.. وأنا والدي محترم وإحنا محترمين مش بتوع خناقات.. البلطجي ده غدار.. إحنا متعلمين واتصرف علينا لحد مابقينا دكاترة ومش عايزين مستقبلنا يضيع بسبب بلطجي زي ده.. أنا مش خايف منه بس مش عايز اتحط في مواجهة مع واحد بلطجي وبيبيع بودرة.. واحد بلطجي قاطع إيد واحد قبل كده.. وكان بيروح الامتحانات بتاعته والكلابشات في إيديه".