الغندور: "مباراة جزر القمر مش تحصيل حاصل والبدرى غير مقتنع بالننى"
الإثنين 29/مارس/2021 - 12:53 م
استنكر الإعلامى خالد الغندور نجم الزمالك السابق من صرف مكافآت مالية للجهاز الفنى ولاعبى المنتخب الأول عقب التأهل لأمم إفريقيا 2022، وقال فى برنامجه "اللعبة الحلوة" عبر إذاعة أون سبورت إف إم، "مينفعش نصرف مكافأة لمنتخب مصر عشان اتأهل لكأس الأمم الأفريقية من بين 24 منتخب فيها منتخبات ضعيفة للغاية".
وأكمل نجم الزمالك السابق: "بنصرف مكافأة عشان اتأهلنا لكأس الأمم الأفريقية أومال لو صعدنا لكأس العالم هنعمل إيه، عيب بجد ياجماعة".
وأضاف خالد الغندور: "شخصية منتخب مصر مش موجودة طوال التصفيات ظهرت مرة واحدة فى مباراة توجو لما كسبنا بالثلاثة غير كده مفيش اتعادلنا مع كينيا رايح جاى واتعادلنا مع توجو وجزر القمر، تخيل جزر القمر كانت أخطر من منتخب مصر واتعادلت معانا سلبياً".
وأكمل الغندور، "مباراة الليلة مش تحصيل حاصل لازم نكسب عشان التصنيف وعشان نحسم صدارة المجموعة، والملاحظ للبدرى هيتأكد أنه قولا واحدا غير مقتنع بمحمد الننى ولا طارق حامد، وبيحاول يشاركهم على فترات عشان الغضب الإعلامى".
وأتم: "البدرى عنده حمدى فتحى رقم 1 فى خط الوسط ثم عمرو السولية ثم طارق حامد ثم محمد الننى، وقبل مباراة كينيا قعد مع الننى والسولية وقالهم مش هتلعبوا بشكل أساسى".
