فتحي سعد يكشف تطورات حالته الصحية ويعلن عودته للتصوير غدًا|خاص
كشف الفنان فتحي سعد عن تطورات حالته الصحية بعد الأزمة الأخيرة التي مرّ بها، مؤكدًا تحسن حالته بشكل كبير وخروجه من المستشفى خلال الأيام الماضية.
فتحي سعد يكشف تطورات حالته الصحية ويعلن عودته للتصوير غدًا
وقال في تصريح خاص لـ "مصر تايمز" "أنا الحمد لله بقيت كويس، كان عندي شوية التهابات وإنزيمات عالية شوية، لكن الحمد لله كله رجع لمعدله الطبيعي، وماشي على العلاج والمتابعة مع الدكاترة، وحالتي في تحسن مستمر، وخرجت من المستشفى من حوالي أسبوع".
وحرص فتحي سعد على توجيه الشكر لكل من دعمه خلال فترة مرضه، قائلًا: "بحب أشكر طبعًا الدكتور أشرف زكي، والمهندس ماهر حسانين رئيس حزب الوفد فرع العجوزة، لأنهم كانوا جنبي وواقفوا معايا في تعبي".
واختتم تصريحاته بالكشف عن عودته للعمل، مؤكدًا أنه يبدأ تصوير مسلسل جديد بعنوان "نور وسليفا" بداية من الغد.
فتحي سعد: الفنان لما بيكبر عندنا بيموت.. وأعرف زملاء بيروحوا بيبكوا من المعاملة اللي بيشفوها
أكد الفنان فتحي سعد، أن الدكتور أشرف زكي نقيب الممثلين، يبذل قصار جهده لتشغيل الفنانين، موضحًا أن قيمة الفنان تقل عند كبر سنه.
وقال سعد فتحي،": النقابة مش مقصرة وعلى رأسهم الدكتور أشرف زكي، وهما مش أداة لتشغيل الممثل وإحنا كتير، والشركات عرض وطلب، ولكن دكتور أشرف بيقول لأ الأعضاء لازم يشتغلوا وبيوفر شركات على قدر ما يقدر، وبيفرض على الشركات أن الممثلين لازم يشتغلوا.
وتابع: الفنان برا لما بيكبر بيزيد سعره في كل حاجة أدبيًا وماديًا وإعلاميًا، لكن عندنا بيموت وبيقولوا خلاص راحت عليه، مفيش حاجة اسمها راحت عليه، فريد شوقي جاله فترة مبيجيش له شغل وبقى ينتج لنفسه ويقوم نفسه من جديد، ورجعت الشركات تطلبه تاني.
