عدوية شعبان عبد الرحيم يفتح النار على رضا البحراوي: «بخيل وبيسرق ألحان مش بتاعته»|خاص
شن الفنان عدوية شعبان عبد الرحيم هجومًا حادًا على المطرب الشعبي رضا البحراوي، حيث أتهمه بأخذ ألحان ليست مناسبة له، إلى جانب اتهامه بسرقة بعض الألحان.
عدوية شعبان عبد الرحيم يفتح النار على رضا البحراوي
قال عدوية شعبان عبد الرحيم في تصريح خاص لـ«مصر تايمز» إن رضا البحراوي يمتلك صوتًا جيدًا ويمكنه تحقيق نجاحات كبيرة، لكنه لا يجيد اختيار الأغاني والألحان المناسبة له، مضيفًا: «هو صوته كويس وينفع يغني، بس عشان مابيعرفش يختار بياخد ألحان مش بتاعته».
وأضاف: «هو كمان بخيل ومابيحبش يشتري أغاني ويسمع من الملحنين، ولما يلاقي حاجة حلوة أنا أو غيري عملناها ياخدها».
وتابع عدوية هجومه قائلًا: «أقسم بالله أنا ممكن أخلي رضا يبقى نجم عالمي، بس هو ربنا يكفينا شر المغرور، لما لقى عنده جمهور بقى يعمل أي حاجة عشان يفضل موجود».
كما اتهمه بالتخلي عن أصدقائه من أجل الحفاظ على نجاحه وشهرته، موضحًا: «عنده استعداد يخسر صحابه عادي المهم يبقى هو باين وموجود».
واختتم تصريحاته مؤكدًا أن مفهوم "رقم واحد" لا يتعلق فقط بالنجاح أو الشهرة، قائلًا: «هو فاهم الشغلانة غلط، بيشتغل في الديسكوهات ويقولك رقم واحد.. أمال حكيم ومحمود الليثي ومحمد حماقي ورامي صابري يبقوا رقم كام؟.. رقم واحد يبقى في كل حاجة، مايزعلش حد ويكون جدع ومتواضع».
