«اتعملك قيمة على حس أزمة الكلاب».. هجوم إيناس عز الدين على فنان شهير
شنت الفنانة إيناس عز الدين هجوما حادا على فنان شهير، دون ذكر اسمه، وذلك بسبب أزمة الكلاب، حيث أشارت أنه أصبح له قيمة وأن يظهر على شاشة التلفزيون نتيجة لهذه الأزمة.
هجوم إيناس عز الدين على فنان شهير
وكتبت من خلال حسابها الرسمي عبر موقع التواصل الاجتماعي فيسبوك، قالت: عشت عمرك كله تعمل المستحيل علشان تتشاف على شاشة التلفزيون او يتكتب عنك خبر يوم ما اتكتب عنك خبر كان خبر الحكم عليك بالسجن و عمر ما برنامج عمل لك قيمة و استضافك الا على حس أزمة الكلاب.
أضافت: شوفت الكلاب قد ايه ليهم فايدة و عملولك قيمة ده انت مديون لهم بالشهرة يا جدع زيك زي غيرك كتير كانوا تحت بير السلم و اتشافوا و اتسمعوا على حس هجومهم على مخلوقات ربنا البريئة.
في وقت سابق، تعرضت إيناس عز الدين للتنمر من إحدى المتابعات، حيث جاءت رسالة المتابعة لـ إيناس عز الدين: "حظ الوحشة دايمًا حلو.. وأنتي استغفر الله.. شكلك يقرف وحظك نار.. إحنا الحلوين كفاية علينا حلاوتنا بس.. نحمد الله على الجمال اللي إنتي مش طايلاه وأكيد جوزك بيجبر بخاطرك وأكيد بيعشق الحلوة.. الله جميل يحب الجمال يا أم ضب يا حولة".
وردت إيناس عز الدين على رسالة هذه الفتاة، من خلال فيديو عبر صفحتها الرسمية بموقع التواصل الاجتماعي" فيسبوك"، وقالت: "بحمد ربنا على أنه لما خلقني، خلق جوايا قلب بيفرح وبيحب الخير لكل الناس.. لما بشوف اتنين بيحبوا بعض بحس بفرحة. مع كل نظرة لحد سعيد بحس بالسعادة.. وبحس بشفقة غير طبيعية لما أشوف حد بيكره الخير للناس أو يحقد عليها أو يحاسب الناس على ظروفها".
وأضافت:"أنا واحدة حظي وحش في صحتي. ولو شفت حد بصحته مش بحسده.. بالعكس بدعيله.. وحظي وحش في بعض أفراد أسرتي ولو شفت أسرة مترابطة مش بقول يا بختها أو يا بخته.. لكن بفرح وبقول يا رب ماحدش يدوق إحساس وحش في الدنيا.. فبلاقي ربنا بيعوضني من ناحية تانية.. ولما بشوف علاقة سوية وزوج وزوجة بيربوا عيالهم بطريقة محترمة..بكون فرحانة".
