نجل إبراهيم يسري يحيي ذكرى ميلاد ووفاة والده
الثلاثاء 20/أبريل/2021 - 06:00 م
أحيى الفنان محمد يسري نجل النجم الراحل إبراهيم يسري ذكرى ميلاد ووفاة والده، الذي رحل عن عالمنا في مثل يوم ميلاده، الموافق 20 أبريل منذ 6 سنوات، معبرًا عن حزنه وأشتياقه لوالده مطالبًا الدعاء له.
ونشر محمد يسري صوره من ذكريات طفولته تجمعه مع والده الراحل عبر حسابه الرسمي بموقع التواصل الاجتماعي "فيس بوك" معلقًا "ا لوقت مابيعديش من غيرك يا هيما... عدي 6 سنين بس حاسسهم عمر من غيرك... كان نفسي اوي تبقي موجود معانا و تشوف كل خطوة بناخدها في حياتنا... كان نفسي افرحك يا حبيبي.. والله ادفع عمري كله و اشوف ضحكتك تاني.. صوت المفاتيح و انت راجع من التصوير.. ابتسامتك و انت داخل عليا الاوضة و بتقولي من غير اي مناسبة "انا بحبك اوي يا حبيبي".
واختتم حديثه " اللي مصبرني اني عارف انك عند ربنا وانك اكيد حاسس بينا و اني ان شاء الله هشوفك قريب يا حبيبي... بس الوقت مبيعديش يا هيما.. لا الوقت بيعدي ولا الوجع بيقل... ربنا يرحمك يا حبيبي و كل سنة و انت طيب و مبسوط في جنة ربنا يا رب... نسألكم الدعاء "
