خشبة: بيراميدز أخطأ فى التعاقد مع رمضان صبحى والاهلى لا يضحى بأبناؤه

ويضيف هادى خشبة :"أحمد فتحى لاعب كبير وليه قيمته ولكن في الفترة الأخيرة لم يكن لاعب أساسى في الاهلى ويلعب محمد هانى بدلا منه ، ومكنش في حالته البدنية المميزة وإصابته متكررة ، ولكنه يظل إسم كبير ولكن على أرض الواقع كانوا يظنون في بيراميدز أنه سوف يشيل الفرقة ولم يحدث ودخل في صدام مع المدرب".

وأكمل نجم الاهلى الأسبق : " رمضان صبحى صغير في السن واتعرض عليه الاهلى وقارن بينه وبين وبيراميدز واختار الأخير وكان لازم كفة الاهلى تكسب ، والجمهور هيفضل مضايق منه وعامل عليه ضغط ، يبقى إدارة بيراميدز تتعاقد ازاى مع لاعب سنه صغير وعليه كل الضغوط دى وكمان تديله فلوس أكبر من زمايله وتعمل مشكلة في الفرقة"

ويضيف هادى خشبة :"أما شريف إكرامى فبيراميدز اتعاقد معاه رغم انه عنده حراس مميزين زى المهدى سليمان وأحمد الشناوى ودعدور وقعدهم على الدكة وخسرهم زى ماخسر رجب بكار اللاعب المميز اللى كان شايل الفرقة إذن بيراميدز عمل أخطاء إدارية عصفت بمسيرة الفريق"

وتابع هادى خشبة :"بيراميدز انفق مبالغ طائلة ولم يحقق أي مكاسب تفوق المواسم السابقة ، واخطاؤه رفع الحرج عن إدارة الاهلى ، لان الاهلى لايضحى بأبناؤه ولكن طالما جت منهم يبقى ماشى"، مضيفاً، :"بيراميدز في وقتى كان في حسام البدرى وأحمد حسن وناس بتفهم كورة ورموز اللاعيبة تخاف منها ومستحيل يحصل تجاوز إنما دلوقتى الوضع اختلف".