علقت الإعلامية ريهام سعيد على فيديو مطرب المهرجانات حسن شاكوس، قائلة " هو انا مالقتش صوره تناسبك اكتر من دي انا مهذبه و محترمه و متربيه لغايت اولادي مابشفش ادامي يا جربوع لما تبقي واحده هي الي بتحركك عشان تدخل في اعراض الناس تبقي مش راجل"
وأضافت " كل الي بتقوله كدب يا واطي بس هي مش غلطتك هي غلطه الي طلعك من البكابورت بس اصل العربيات مبتعملش ناس محترمه الواطي هايفضل واطي و هي غلطتي من الاول الاجراءت القانونيه كلها هاتتاخد فورا عشان تبقي تحكيلنا علي الي شفته و انت اصلا مدخلتش".
وقال شاكوش في الفيديو الذي قام بتصويره ، على ما أثارته الإعلامية ريهام سعيد ببرنامج شيخ الحارة والجريئة ووصفه بإنه عدوها بشكل شخصى لها بسبب رفضه التواجد فى حفلة لأولادها فى الساحل الشمالى ، معلقًا "في الصيف اللي فات أنا كنت في الساحل الشمالي وهي طلبتني أني أروح أحضر الحفلة وأكون موجود مع أولادها وأصحابهم، أنا كنت في الفترة دي في مشاكل مع النقابة ومكنش ينفع أني اشتغل وأنزل حفلات".
وأوضح "الأستاذة ريهام طلبتني علشان الحفلة وقولتلها أني محترم قرار النقابة"، مشيرا إلى أنه طلب منها ألا تقوم بأي دعاية، لترد عليه أنه سيذهب إلى هناك ويلتقي بأولادها وأصدقائهم ولن يغني فقط يلتقط صور معهم.
وأكمل، "مؤكدا أنه طلب منها مبلغ 30 ألف جنيه، فقالت له "هتاخد 30 ألف وأنت هتقعد ربع ساعة، وفي النهاية أخذت 10 آلاف جنيه وأديتهم لفرقتي".
وتابع موضحا أنه عندما ذهب اكتشف أنها قامت بدعاية على مواقع التواصل الاجتماعي وكان عدد الحضور كبيرا، حتى أن الأمن رفض دخوله المكان حتى لا يحدث أي شغب، قائلا: "هي قالتلي أن المكان فيه 15 أو 20 فرد، لكن لقيت في حوالي 300 شخص"، مضيفا أنه اتصل بها وأخبرها أنه لن يتمكن من دخول الحفل حتى لا يحدث مشاكل".
وأختتم كلامه قائلا: "أنا بقى لما روحت شفت حاجات مش هينفع اتكلم فيها ولا أحكي عنها حاجة، وأنا مخدتش منها جنيه، مشيرا إلى أنها بعد ذلك اتصل إعداد برنامجها به ليظهر معها لكنه رفض"، قائلا " اتصلوا بيا ورفضت مش أنا عدوها يبقا عايزانى اطلع معاكى ليه .. وعندى مسجات اللى طلبوا منى انى اطلع معاهم .. وبعدين جاتلى من الحالة الانسانية اللى شغالة معاهم وان فى طفلين تعبانين وعايزن يشوفوه"
