مصطفى درويش عن نور خالد النبوي: "وشه زي وش باباه شهم وأصيل"

أشاد الفنان مصطفى درويش، بأداء النجم الصاعد نور خالد النبوي، بعد تقديمه شخصية الشهيد الملازم أول "أحمد حافظ شوشة"، الذي استشهد في مأمورية الواحات.

ونشر "درويش" صورة للفنان الصاعد عبر حسابه الرسمي بموقع التواصل الاجتماعي فيس بوك"، وعلق عليها : "رأيي انه شاطر جدا من قبل ما نعرف هو مين ومن اول ما كان بيهزر مع زمايله قبل طلوع المأموريه وانا شفت وشه حبيته من غير ما اعرف مين ده لان وشه زي وش باباه جدا المصري الشهم الاصيل قريب من القلوب المصريه جدا".

وتابع: "عجبني كل ريأكشن وحركه واتفرجت عليه تاني يعني رجعت المشهد وهو بيضرب النار وبيداري ورا المدرعه ونفسه بياخده واصلني انا شخصيا واداني طاقه وبقيت بشجعه يضرب ويقتلهم".

وأضاف: "اخيرا اكيد عمل زي الاختيار اي حد يتشرف يشتغل فيه لان كل الدنيا بتشوفه فا خمس مشاهد في الاختيار في دور زي ده بدايه جامده ربنا يحميه لباباه".

واختتم: "اخيرا كل التحيه لخالد النبوي انه محترم وواضح انه مخلف راجل مطمعش وما استصغرش الدور خالد النبوي بيبعتلنا حكمه حلوه  فاهم وعاقل عارف انها بالحب مش بالعافية" .