عفاف شعيب عن محمد سامى: عصبى وبكره تصرفاته

قالت الفنانة عفاف شعيب ، عن سبب خلافها مع المخرج محمد سامى، " أنا بكره تصرفاته هو مخرج شاطر وكويس أوى .. بس هو عصبى جدا جدا .. كان فى مشهد فى مسلسل آدم اللى هو أمول مسلسل يخرجه محمد سامى .. والمفروض بيطلعوا يقبضوا عليا وكان فى عربية بوكس والعربية كانت عالية ومافيهاش سلم ولا كرسى اطلع عليه فقولتله عايزة حاجة أطلع عليها قالى لا .. فا حجاج عبد العظيم والراحل محمود الجندى قالولى هنسندك احنا فقولتلهم لا محدش هيلمسنى".

وتابعت خلال استضافتها ببرنامج شيخ الحارة والجريئة ، " أنها رفضت هذا المشهد لعدم وجود شئ اطلع عليه .. ولكن لقيت الدنيا اتكركبت عليا وقعدت اناجى ربنا فلقيت نفسى بنط جوه العربية وأول ما نطيت لقيت حاجة عملت فى ضهرى صوت.. ونقلونى على العناية المركزة .. ومحمد سامى قال عليا دى بتدلع.. وكلهم زارونى الاهو".