شيرين عبد الوهاب :"السنة دي أول مرة بيجي عليا يوم ميلادي وألاقي نفسى بضحك"

نشرت الفنانة شيرين عبد الوهاب ، مجموعة تغريدات بمناسبة عيد ميلادها، عبر حسابها الشخصي على موقع التواصل الاجتماعي " تويتر" لتبادل الصور والفيديوهات .

وعلقت الفنانة شيرين قائلة :" سعيدة وبضحك علشان ببص علي كل حاجة بإيجابية، زي إني الحمد لله على مدار ٢٠ سنة مقصرتش في شغلي وعملت شغلي بمنتهى الحب والحمدلله نجحت في كل حاجة عملتها وربنا كان توفيقه كبير" .

وتابعت قائلة :"على المستوي الشخصي انا سعيدة جداً بأحسن زوج في الدنيا لأنه جوزي و أخويا وصديقي وإبني و سعيدة ببناتي وعيلتي ربنا يباركلي فيهم وكل جمهوري في الوطن العربي كله  اللي بيخليني احس أن كل البلاد بلدي " .

وأضافت فى تغريدة أخرى قائلة :" سعيدة بنجاحي ونجاح زمايلي وزميلاتي علشان احنا بنسعد الناس بشغلنا وأتمنى يبقوا بصحة كويسة وبشكر كل إنسان ساعدني في حياتي علشان أوصل للي انا فيه دلوقتي" .

وبمناسبة عيد ميلادها قالت :" كل سنة وإنتم عيدي دعاء أمي ليا كان محبتكم، ورضا ربنا عليا محبة الناس .. ديمها عليا يا رب! السنة دي أول مرة بيجي عليا يوم ميلادي وألاقي نفسى بضحك وسعيدة ، كل سنة كان بيكون اليوم ده بالنسبالي يوم حساب أنا عملت إيه ومعملتش إيه وكان لازم أعمل إيه، لكن السنة ديه حاسة ان فيه حاجة مختلفة وأهدافي اختلفت" .

وحرص المطرب حسام حبيب، على تهنئة زوجتة النجمة شيرين عبد الوهاب، موجهًا لها رسالة رومانسية، بمناسبة عيد ميلادها، عبر حسابه الشخصي على موقع التواصل الاجتماعي "إنستجرام" لتبادل الصور والفيديوهات ، وقال حسام حبيب: "دمتي لي شيئًا جميلًا ينتهي كل سنة أنتي أحلى وأطيب وأجمل وأحن وأجدع شيرين في الدنيا ربنا ما يحرمنيش منك ويبعد عنك وعننا كل حاجه وحشه" .