مصطفى درويش ينفى تكفل "المهن التمثيلية" بعلاج شريف دسوقي: "اترمى في مستشفى تحت السلم"

عبر الفنان مصطفى درويش عن حزنه الشديد لما حدث مع صديقه الفنان شريف دسوقي من أزمة بتر قدمه أثناء عملية أجراها أمس الأثنين، مشيرا إلى أنه تعرض إلى ظلم كبير من الوسط الفني.

وكتب مصطفى درويش عبر حسابه الرسمي بموقع التواصل الاجتماعي "فيس بوك"، "لا حول ولا قوه الا بالله اللي حصل  لشريف دسوقي ده حرام حسبي الله ونعم الوكيل في اللي كان السبب لو كان حد وقف  من النقابه اتحرك قبل ما يتعمل فيه الكارثه دي كان  اتلحق بس للاسف النقابه قالت لبدريه طلبه لما استنجدت بيهم اصله مش عضو فا مش هينفع نساعده من النقابه بس هنبقي نبعتلك مساعده شخصيه ".

وتابع: " طبعا كتر خيركم وده قانون وعلي راسنا بس  طاب كنتم روحو هاتوه وقولو لينا ما كل المنتجين والممثلين معاهم فلوس يا جدعان وكله هنساعده ومحدش هيتاخر حتي كنا شوفنا حل قبل ما تحصل فيه الكارثه دي ويقطعو رجله".

وأضاف: "يترمي في مستشفي اقل ما يقال عنها تحت السلم بجد اللي حصل ده حرام حقك عليا يا شريف سامحني والله ما كنت اعرف انك في الحاله دي حقك عليا والله وقدام الجميع اهو والله  ما هسيبك لحد ما اموت انت مسئول مني مسئوليه كامله".

اختتم كلامه: "حقك عليا وحقك علينا كلنا الاستاذ جمال العدل اتكفل بمصاريف المستشفي والعلاج  وفراد والعصابه كلها متكفله بكل حاجه والاستاذه كامله جابتله طرف صناعي من احسن شركه للاطراف الصناعيه شكر لبدريه طلبه انتي بميت راجل انتي وناس اسكندرية".