التفاصيل الكاملة لقتل "قطة المهرجان وأولادها" بعلبة تونة فى دار الأوبرا (صور)

أعلنت وزارة الثقافة إنه بالاشارة الى ما تم تداوله في بعض وسائل التواصل الاجتماعي وتناقلته وسائل الاعلام بشأن تعامل دار الأوبرا مع بعض القطط بصورة سيئة وغير ادمية،  قررت الدكتورة ايناس عبد الدايم وزيرة الثقافة تحويل المسئولين بدار الاوبرا الي التحقيق.

ووجهت بإجراء تحقيق عاجل في الواقعة ومتابعة نتيجة التحقيقات اولا بأول واشارت الي التزام وزارة الثقافة بجميع قطاعاتها وهيئاتها  بمبادئ الرفق بالحيوان والمواثيق والاعراف الدولية في هذا الشأن.

واوضحت ان من سيثبت ادانته او تورطه سوف ينال العقاب طبقا للقانون وسيتم محاسبتة وردع المخطئ فورا حتى لا يتكرر هذا الامر.

وكان رواد مواقع التواصل الاجتماعى وصفحة تحمل اسم حملة رفق فى القاهرة والجيزة قد تداولوا صور للقطة التى اشتهرت بلقب " قطة المهرجان" ـ موضحين "أن المسئولين بدار الأوبراء وضعوا لها علبه التونه ومن فرحتها اكلت هي ولمت أولادها حواليها وبعد ثوان أولادها وهي بطنهم بدأت تتقطع لغايه ما اخر نفس فيهم طلع وهي كانت بتتعذب مرتين مره من المها ومره من صراخ أولاده"

وقالت صفحة حملة رفق فى القاهرة والجيزة" فاجعه اخلاقيه وانسانيه حدثت بالأمس في دار الإوبرا _ وزاره الثقافه و دار الإوبرا قتلوا قطه المهرجان وننتظر رد وعقاب : فاكرين القطه المشهوره اللي تصدرت وسائل الاعلام المحلية والعالميه في مهرجان القاهره السينمائي الاخير وقد ايه كانت طيبه وبتحب الناس وفعلا مسابتش واحد في المهرجان غير وسلمت عليه ".

وتابعت "القطه دي طيبه جدا واتشهرت وناس ممكن أصبحوا يروحوا مخصوص يلعبوا معاها وجت من كام اسبوع خلفت تلات أطفال قمرات جدا وفرحانه بيهم وقاعده بيهم علي جنب والناس بتروح تأكلها في مكانها

تخيلوا ان اداره الإوبرا قامت بالتخطيط لقتل القطه الجميله دي وقالك ايه ده ازاي جنينه  الإوبرا فيها قطه وكمان خلفت !! دي تتقتل! واستغلوا جوعها وجابوا علبه تونه ووضعوا فيها السم! استغلوا جوعها هي وأولادها ".

واستطردت "استغلوا انها متطمنه ان الناس بتساعدها وتأكلها ووضعوا لها علبه التونه ومن فرحتها اكلت هي ولمت أولادها حواليها وبعد ثوان أولادها وهي بطنهم بدأت تتقطع لغايه ما اخر نفس فيهم طلع وهي كانت بتتعذب مرتين مره من المها ومره من صراخ أولادها ..القطه البريئه وأولادها اتعذبوا عشان انسان مر يض لا يعرف د ين ولا إنسانيه قرر يسمهم تخيلوا! طيب ايه وجه الضرر من القطه ل اداره الإوبرا!..القطط موجوده داخل الجوامع والمساجد وبجوار الكعبه والأحاديث الدينيه أمرت بالرفق بيها! يعني حقيقي اللي اخد القرار ده لازم يتعاقب!

وقالت "اللي اخد القرار ده مينفعش يمسك منصب في اي جهه تابعه ل وزاره الثقافه! الثقافه يعنى الرقي والتفكير واحترام مخلوقات ربنا! فين الرحمه وفين الإنسانيه! وايه وجه الضرر من قطه العالم إتكلم عنها"".